Qytaidyń joǵary zań shyǵarýshy organy Búkilqytailyq halyq ókilderi jinalysynyń (BHÓJ) 13-shaqyrylymyna 6 qazaq depýtat bolyp sailandy, dep habarlaidy "Ult Aqparat" QazAqparatqa silteme jasap.
Sinhýa agenttiginde jariialanǵan depýtattardyń tolyq tizimine Qytaida turatyn qazaq ultynyń 6 ókili kirdi. Olardyń beseýi Shynjań-Uiǵyr avtonomiialyq ólkesinen, bireýi Qytai Halyq-Azattyq Armiiasynyń ókili retinde sailandy. Onyń esimi - Maqpal, tegi jariialanbai otyr.
Aita keteiik, Qytai Halyq-Azattyq Armiiasynyń ókili retinde qazaq depýtatynyń sailanýy Qytai tarihynda tuńǵysh ret tirkelip otyr. Al buǵan deiingi 12-shaqyrylymǵa Shyńjań ólkesinen 5 qazaq depýtat sailanǵan bolatyn.
Eske sala ketsek, 24 aqpan kúni Búkilqytailyq halyq quryltaiynyń 12-kezekti turaqty komiteti barlyq 2980 depýtattyń tizimin bekitti. 13-shaqyrylym ókilettigi 2018 jylǵy naýryzdan 2023 jylǵa deiin sozylady. Daýys berý el boiynsha ashylǵan 35 sailaý ýchaskesinde júrip, Qytaida ómir súretin 55 ulttan 438 depýtat sailandy.
Búkilqytailyq halyq quryltaiy 13-kezekti turaqty komitetiniń birinshi jalpy májilisi 5 naýryz kúni Beijiń qalasynda ótedi.
