بٷگٸن - ەلٸمٸزدە جامبىل وبلىسىنىڭ بايزاق اۋدانىنداعى №28349 ەسكەري بٶلٸمنٸڭ وق-دەرٸ قويماسىنداعى جارىلىس سالدارىنان قازا بولعان ازاماتتاردى ەسكە الۋعا ارنالعان جالپىۇلتتىق ازا تۇتۋ كٷنٸ, دەپ حابارلايدى "ۇلت اقپارات".
كەشە قازاقستان پرەزيدەنتٸ قاسىم-جومارت توقاەۆ 29 تامىزدى جالپىۇلتتىق ازا تۇتۋ كٷنٸ دەپ جارييالاعان بولاتىن.
«جامبىل وبلىسى بايزاق اۋدانىنداعى ادام ٶلٸمٸنە ەكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كٷنٸ دەپ جارييالايمىن. قازا بولعان ەسكەري قىزمەتشٸلەر مەن قۇتقارۋشىلار ەرەن ەرلٸك پەن ناعىز جانقييارلىق كٶرسەتتٸ. ەرلەرٸمٸزدٸڭ ەسٸمٸ ەل جادىندا مەڭگٸ ساقتالادى», - دەپ جازدى ول Twitter-دەگٸ پاراقشاسىندا.
اقوردانىڭ رەسمي سايتىندا تٶتەنشە وقيعا سالدارىنان بٸرنەشە ادامنىڭ قازاعا ۇشىراۋىنا بايلانىستى قازاقستان رەسپۋبليكاسىندا جالپىۇلتتىق ازا تۇتۋ جارييالاۋ تۋرالى پرەزيدەنت ٶكٸمٸ شىقتى.
«جامبىل وبلىسىنىڭ بايزاق اۋدانىندا وق-دەرٸلەر قويماسىنداعى ٶرت پەن جارىلىستاردىڭ سالدارىنان ادامداردىڭ قازاعا ۇشىراۋىنا بايلانىستى قازاقستان رەسپۋبليكاسىندا 2021 جىلعى 29 تامىزدا جالپىۇلتتىق ازا تۇتۋ جارييالانسىن», - دەپ جازىلعان ٶكٸمدە.
ازالى كٷننٸڭ جارييالانۋىنا بايلانىستى كەشەدەن بەرٸ قازاقستان مۇسىلماندارى دٸني باسقارماسىنىڭ ۇيعارىمىمەن ەلدەگٸ مەشٸتتەردە بەيبٸت كٷندە شەيٸت بولعان ەسكەريلەر مەن قۇتقارۋشىلاردىڭ رۋحىنا باعىشتاپ قۇران حاتىم وقىلىپ جاتىر.
قمدب ٶكٸلدەرٸنٸڭ ايتۋىنا قاراعاندا, قۇراننىڭ 114 سٷرەسٸن وقىپ شىعۋ ٷشٸن ەر ٶكٸلدٸك, وبلىس يمامدارى اۋدان-اۋدانداعى مەشٸتتەرگە ەر پارانى بٶلٸپ بەرگەن. ازا تۇتۋ كٷنٸ بەلگٸلەنگەن سەتتەن باستاپ حاتىم وقۋ باستالىپ كەتكەن. بٷگٸن ساعات 10.00-دە كەشەدەن بەرٸ باعىشتالعان قۇران حاتىمنىڭ دۇعاسى وقىلادى. ەلوردادا قۇران باعىشتاۋ رەسٸمٸ ەزٸرەت سۇلتان مەشٸتٸندە ٶتەدٸ.
جالپىۇلتتىق ازا تۇتۋ كٷنٸنٸڭ بەلگٸلەنۋٸنە وراي قر اقپارات جەنە قوعامدىق دامۋ مينيسترلٸگٸ باق قىزمەتٸنە ولاردىڭ ينتەرنەت-رەسۋرستارىن رەسٸمدەۋگە بايلانىستى ۇسىنىمداردى جارييالادى. وندا ەل اۋماعىندا تٸركەلگەن بارشا باق-تىڭ ينتەرنەت-رەسۋرستارىنا جالپىۇلتتىق ازا تۇتۋ كٷنٸنٸڭ مازمۇنىمەن سەيكەس 10 تٷرلٸ شارا قابىلداۋ ۇسىنىلعان.
ەسكە سالساق, 26 تامىز كٷنٸ كەشكٸ ساعات 19.00 شاماسىندا جامبىل وبلىسىنىڭ بايزاق اۋدانىنداعى №28349 ەسكەري بٶلٸمنٸڭ وق-دەرٸ قويماسىنان ٶرت شىعىپ, جويقىن جارىلىس بولعان ەدٸ.
ەۋەلٸ وق وقيعا ورنىنا قر قورعانىس مينيسترٸنٸڭ ورىنباسارى رۋسلان شپەكباەۆ باستاعان ۆەدومستۆولىق كوميسسيياسى بارىپ, جارىلىس وشاعىنا جاقىن ورنالاسقان ٷيلەردٸڭ تۇرعىندارىن قاۋٸپسٸز جەرگە كٶشٸرۋدٸڭ قامىنا كٸرٸستٸ.
قر تٶتەنشە جاعايلار مينيسترلٸگٸنٸڭ مەلٸمەتٸ بويىنشا, وقيعا ورنىنا ەڭ جاقىن ورنالاسقان 3 ەلدٸ مەكەندە 1086 ادام تۇرادى. جارىلىس كەزٸندە ولاردىڭ 710-ى وبلىس ورتالىعىنا ەۆاكۋاتسييالانعان.
جالپى وق-دەرٸ قويماسىنداعى ٶرتتٸڭ كەسٸرٸنەن بازا اۋماعىندا وننان استام جارىلىس بولعان.
سوڭعى دەرەك بويىنشا سول جارىلىستاردىڭ سالدارىنان قازا تاپقان ەسكەريلەر مەن قۇتقارۋشىلار سانى 13 ادامعا جەتتٸ. قورعانىس جەنە تٶتەنشە جاعدايلار مينيسترلٸكتەرٸ ەلٸ بٸرەر اداممەن بايلانىس ورناتا الماي وتىر.
كەشە قورعانىس مينيسترٸ نۇرلان ەرمەكباەۆ تٶتەنشە جاعدايلار مينيسترٸ يۋريي يلين جەنە جامبىل وبلىسىنىڭ ەكٸمٸ بەردٸبەك ساپارباەۆ جارىلىس سالدارىنان قازا تاپقانداردىڭ وتباسىلارىنا كٶڭٸل ايتىپ, قاجەتتٸ كٶمەك كٶرسەتٸلەتٸنٸن جەتكٸزدٸ.
قورعانىس مينيسترٸ نۇرلان ەرمەكباەۆ سارىكەمەردە باق ٶكٸلدەرٸنٸڭ ساۋالىنا جاۋاپ بەرە وتىرىپ, ەربٸر قازا تاپقان ازاماتتىڭ وتباسىنا 20 ملن تەڭگەدەن استام قارجىلاي كٶمەك قاراستىرىلعانىن ايتتى. قاجەت بولسا, تۇرعىن ٷي مەسەلەسٸن جەرگٸلٸكتٸ ەكٸمدٸكپەن بٸرگە شەشۋگە بولاتىنىن دا جەتكٸزدٸ.
بۇعان دەيٸن قازا تاپقان ەسكەري قىزمەتشٸلەردٸڭ اتى-جٶنٸ جارييالانعان ەدٸ.
1. 1981 جىلى تۋعان سەرجانت مارات سايلاۋۇلى مەشٸنباي.
2. 1979 جىلى 8 قازاندا تۋعان ستارشينا ەركٸن ەرٸكبايۇلى نەدٸربەكوۆ.
3. 1981 جىلى 20 ماۋسىمدا تۋعان ەفرەيتور رۋسلان جٷرسٸنبايۇلى جانبولاتوۆ.
4. 1969 جىلى تۋعان ەسكەريلەندٸرٸلگەن كٷزەت قىزمەتشٸسٸ ازامات ورازبەك دايىربەكۇلى دەلٸباەۆ.
5. وڭتٷستٸك ٶڭٸردٸڭ ەسكەري پروكۋرورى ەدٸلەت پولكوۆنيگٸ ارمان قاپەزوۆ.
قايتىس بولعاندار اراسىندا ازاماتتىق قورعاۋ ورگاندارىنىڭ قىزمەتكەرلەرٸ دە بار.
1. جامبىل وبلىسى تجد «ٶسجاقجق» مم تاراز ق. 3-ٶسب ٶرت سٶندٸرۋشٸ-قۇتقارۋشى ارنۇر سەرٸكۇلى تەمٸربولاتوۆ.
2. جامبىل وبلىسى تجد «ٶسجاقجق» مم تاراز ق. 3 – ٶسب اعا ٶرت سٶندٸرۋشٸ-قۇتقارۋشى ەلدوس قادىربايۇلى ساندىباەۆ.
3. جامبىل وبلىسى تجد «ٶسجاقجق» مم ٶرت سٶندٸرۋ كەزەكشٸ قىزمەتٸنٸڭ جەدەل كەزەكشٸسٸ, ٶرت سٶندٸرۋ باسشىسىنىڭ ورىنباسارى الەكساندر نيكولاەۆيچ ميكروپۋلو.
4. جامبىل وبلىسى تجد «ٶسجاقجق» مم تاراز قالاسى 1 – مٶسب اعا ٶرت سٶندٸرۋشٸ-قۇتقارۋشى تەڭٸبەرگەن كۇدايبەرگەنۇلى تٶرەبەكوۆ.
5. جامبىل وبلىسى تجد «ٶسجاقجق» مم باستىعىنىڭ ورىنباسارى م.ك.ايمانوۆ.
تەرتٸپ بويىنشا, جالپىۇلتتىق ازا تۇتۋ كٷنٸندە مەملەكەتتٸك ورگاندار مەن جەرگٸلٸكتٸ ەكٸمدٸكتەردٸڭ, شەكارالىق ديپلوماتييالىق مەكەمەلەردٸڭ عيماراتىنداعى مەملەكەتتٸك تۋ تٶمەن تٷسٸرٸلەدٸ. ويىن-ساۋىقتىق شارالار مەن وسى باعىتتاعى تەلەباعدارلامالار توقتاتىلادى.
تەۋەلسٸزدٸك العان 1991 جىلدان بەرٸ قازاقستاندا ازا تۇتۋ كٷنٸ وسىمەن ونىنشى رەت جارييالانىپ وتىر.
