Búgin - elimizde Jambyl oblysynyń Baizaq aýdanyndaǵy №28349 áskeri bólimniń oq-dári qoimasyndaǵy jarylys saldarynan qaza bolǵan azamattardy eske alýǵa arnalǵan Jalpyulttyq aza tutý kúni, dep habarlaidy "Ult aqparat".
Keshe Qazaqstan Prezidenti Qasym-Jomart Toqaev 29 tamyzdy Jalpyulttyq aza tutý kúni dep jariialaǵan bolatyn.
«Jambyl oblysy Baizaq aýdanyndaǵy adam ólimine ákep soqtyrǵan qaiǵyly oqiǵaǵa bailanysty 29 tamyzdy Jalpyulttyq aza tutý kúni dep jariialaimyn. Qaza bolǵan áskeri qyzmetshiler men qutqarýshylar eren erlik pen naǵyz janqiiarlyq kórsetti. Erlerimizdiń esimi el jadynda máńgi saqtalady», - dep jazdy ol Twitter-degi paraqshasynda.
Aqordanyń resmi saitynda tótenshe oqiǵa saldarynan birneshe adamnyń qazaǵa ushyraýyna bailanysty Qazaqstan Respýblikasynda Jalpyulttyq aza tutý jariialaý týraly Prezident Ókimi shyqty.
«Jambyl oblysynyń Baizaq aýdanynda oq-dáriler qoimasyndaǵy órt pen jarylystardyń saldarynan adamdardyń qazaǵa ushyraýyna bailanysty Qazaqstan Respýblikasynda 2021 jylǵy 29 tamyzda jalpyulttyq aza tutý jariialansyn», - dep jazylǵan Ókimde.
Azaly kúnniń jariialanýyna bailanysty kesheden beri Qazaqstan musylmandary dini basqarmasynyń uiǵarymymen eldegi meshitterde beibit kúnde sheiit bolǵan áskeriler men qutqarýshylardyń rýhyna baǵyshtap Quran hatym oqylyp jatyr.
QMDB ókilderiniń aitýyna qaraǵanda, Qurannyń 114 súresin oqyp shyǵý úshin ár ókildik, oblys imamdary aýdan-aýdandaǵy meshitterge ár parany bólip bergen. Aza tutý kúni belgilengen sátten bastap hatym oqý bastalyp ketken. Búgin saǵat 10.00-de kesheden beri baǵyshtalǵan Quran hatymnyń duǵasy oqylady. Elordada Quran baǵyshtaý rásimi Áziret Sultan meshitinde ótedi.
Jalpyulttyq aza tutý kúniniń belgilenýine orai QR Aqparat jáne qoǵamdyq damý ministrligi BAQ qyzmetine olardyń internet-resýrstaryn rásimdeýge bailanysty usynymdardy jariialady. Onda el aýmaǵynda tirkelgen barsha BAQ-tyń internet-resýrstaryna Jalpyulttyq aza tutý kúniniń mazmunymen sáikes 10 túrli shara qabyldaý usynylǵan.
Eske salsaq, 26 tamyz kúni keshki saǵat 19.00 shamasynda Jambyl oblysynyń Baizaq aýdanyndaǵy №28349 áskeri bólimniń oq-dári qoimasynan órt shyǵyp, joiqyn jarylys bolǵan edi.
Áýeli oq oqiǵa ornyna QR Qorǵanys ministriniń orynbasary Rýslan Shpekbaev bastaǵan vedomstvolyq komissiiasy baryp, jarylys oshaǵyna jaqyn ornalasqan úilerdiń turǵyndaryn qaýipsiz jerge kóshirýdiń qamyna kiristi.
QR Tótenshe jaǵailar ministrliginiń málimeti boiynsha, oqiǵa ornyna eń jaqyn ornalasqan 3 eldi mekende 1086 adam turady. Jarylys kezinde olardyń 710-y oblys ortalyǵyna evakýatsiialanǵan.
Jalpy oq-dári qoimasyndaǵy órttiń kesirinen baza aýmaǵynda onnan astam jarylys bolǵan.
Sońǵy derek boiynsha sol jarylystardyń saldarynan qaza tapqan áskeriler men qutqarýshylar sany 13 adamǵa jetti. Qorǵanys jáne Tótenshe jaǵdailar ministrlikteri áli birer adammen bailanys ornata almai otyr.
Keshe Qorǵanys ministri Nurlan Ermekbaev Tótenshe jaǵdailar ministri Iýrii Ilin jáne Jambyl oblysynyń ákimi Berdibek Saparbaev jarylys saldarynan qaza tapqandardyń otbasylaryna kóńil aityp, qajetti kómek kórsetiletinin jetkizdi.
Qorǵanys ministri Nurlan Ermekbaev Sarykemerde BAQ ókilderiniń saýalyna jaýap bere otyryp, árbir qaza tapqan azamattyń otbasyna 20 mln teńgeden astam qarjylai kómek qarastyrylǵanyn aitty. Qajet bolsa, turǵyn úi máselesin jergilikti ákimdikpen birge sheshýge bolatynyn da jetkizdi.
Buǵan deiin qaza tapqan áskeri qyzmetshilerdiń aty-jóni jariialanǵan edi.
1. 1981 jyly týǵan serjant Marat Sailaýuly Meshinbai.
2. 1979 jyly 8 qazanda týǵan starshina Erkin Erikbaiuly Nádirbekov.
3. 1981 jyly 20 maýsymda týǵan efreitor Rýslan Júrsinbaiuly Janbolatov.
4. 1969 jyly týǵan áskerilendirilgen kúzet qyzmetshisi azamat Orazbek Daiyrbekuly Dálibaev.
5. Ońtústik óńirdiń áskeri prokýrory ádilet polkovnigi Arman Qapezov.
Qaitys bolǵandar arasynda azamattyq qorǵaý organdarynyń qyzmetkerleri de bar.
1. Jambyl oblysy TJD «ÓSjAQJQ» MM Taraz q. 3-ÓSB órt sóndirýshi-qutqarýshy Arnur Serikuly Temirbolatov.
2. Jambyl oblysy TJD «ÓSjAQJQ» MM Taraz q. 3 – ÓSB aǵa órt sóndirýshi-qutqarýshy Eldos Qadyrbaiuly Sandybaev.
3. Jambyl oblysy TJD «ÓSjAQJQ» MM Órt sóndirý kezekshi qyzmetiniń jedel kezekshisi, órt sóndirý basshysynyń orynbasary Aleksandr Nikolaevich Mikropýlo.
4. Jambyl oblysy TJD «ÓSjAQJQ» MM Taraz qalasy 1 – MÓSB aǵa órt sóndirýshi-qutqarýshy Táńibergen Kudaibergenuly Tórebekov.
5. Jambyl oblysy TJD «ÓSjAQJQ» MM bastyǵynyń orynbasary M.K.Aimanov.
Tártip boiynsha, Jalpyulttyq aza tutý kúninde memlekettik organdar men jergilikti ákimdikterdiń, shekaralyq diplomatiialyq mekemelerdiń ǵimaratyndaǵy memlekettik tý tómen túsiriledi. Oiyn-saýyqtyq sharalar men osy baǵyttaǵy telebaǵdarlamalar toqtatylady.
Táýelsizdik alǵan 1991 jyldan beri Qazaqstanda aza tutý kúni osymen onynshy ret jariialanyp otyr.
