سۋرەت اشىق دەرەككٶزدەن الىندى
بٷگٸن ەلٸمٸزدە ۇلتتىق دومبىرا كٷنٸ ەرەكشە اتالىپ ٶتتٸ. رەسپۋبليكا بويىنشا سالتاناتتى ٸس-شارالار ۇيىمداستىرىلىپ, ەڭ ٸرٸلەرٸنٸڭ بٸرٸ بٷگٸن استانادا ٶتتٸ. بۇل تۋرالى قر مەدەنيەت جەنە سپورت مينيسترٸ اسحات ورالوۆ Telegram كانالىندا جازدى, - دەپ حابارلايدى «ۇلت اقپارات».
«بەيتەرەك» مونۋمەنتٸنٸڭ جانىندا مەدەنيەت جەنە سپورت مينيسترلٸگٸ ۇيىمداستىرعان كونتسەرتكە وتاندىق مۋزىكا جۇلدىزدارى قاتىستى.
ەلوردا تۇرعىندارى مەن قوناقتارىن قازاقستاننىڭ ەڭبەك سٸڭٸرگەن قايراتكەرلەرٸ, سونىڭ ٸشٸندە: سەكەن تۇرىسبەكوۆ, ايتقالي جايىموۆ, رامازان ستامعازيەۆ, ايگٷل ەلشٸباەۆا, قايرات كەكٸموۆ, ەرلان رىسقالي, ايگٷل قوسانوۆا, دٸنزۋحرا تٸلەنديەۆا, ايگٷل ٷلكەنباەۆا,
«استانا وپەرا» وپەرا جەنە بالەت تەاترى, قۇرمانعازى اتىنداعى قازاق ۇلتتىق حالىق اسپاپتار وركەسترٸ, ن.تٸلەنديەۆ اتىنداعى «وتىرار سازى» قازاق مەملەكەتتٸك اكادەمييالىق فولكلورلىق-ەتنوگرافييالىق ۇلتتىق اسپاپتار وركەسترٸ, جاقىن شەت ەلدەردٸڭ ەرتٸستەرٸ جەنە ت.ب. سوليستەر كيەلٸ دومبىرا شاناعىنان كٷي ەۋەلەتتٸ.
كونتسەرت كٶپتەگەن كٶرەرمەندٸ, سونىڭ ٸشٸندە شەتەلدٸك تۋريستەرٸ ايرىقشا تەنتٸ ەتتٸ.
ٸس-شارا باستالار الدىندا جينالعان قاۋىمدى ۇلتتىق دومبىرا كٷنٸمەن قۇتتىقتاپ, تٶل اسپابىمىزدى ۇلىقتاۋدا جٷرگٸزٸپ جاتقان جۇمىستار تۋرالى ايتتىم.
دومبىرا - بۇل جاي عانا اسپاپ ەمەس, ول قازاق حالقىنىڭ بويتۇمارى ەرٸ بٸزدٸڭ باي مۋزىكالىق مەدەنيەتٸمٸزدٸڭ قاينارى. ەرينە, ۇلتتىق ٶنەرٸمٸزدٸ ساقتاماي, رۋحاني مۇرامىزدى بايىتۋ مٷمكٸن ەمەس.
بٸزدٸڭ مينيسترلٸك وسى باعىتتا بەلسەندٸ جۇمىس جٷرگٸزٸپ جاتىر.
اتاپ ايتقاندا, دومبىرادا جەنە باسقا دا دەستٷرلٸ اسپاپتاردا ويناۋ ٶنەرٸ ماتەريالدىق ەمەس مەدەني مۇرا ەلەمەنتتەرٸنٸڭ ۇلتتىق تٸزٸمٸنە قوسىلدى. ال «ورتەكە» قۋىرشاق بيٸ يۋنەسكو-نىڭ ماتەريالدىق ەمەس مەدەني مۇرا تٸزٸمٸنە ەندٸ.
مەملەكەت باسشىسىنىڭ مەكتەپ باعدارلاماسىنا دومبىرا ساباقتارىن ەنگٸزۋ جٶنٸندەگٸ باستاماسىنا سەيكەس, مەملەكەتتٸك شىعارماشىلىق تاپسىرىس اياسىندا ەلٸمٸزدە 650-گە جۋىق دومبىرا ٷيٸرمەسٸ جۇمىس ٸستەيدٸ. ولارعا 26 مىڭنان استام بالا قاتىسادى.
سونىمەن قاتار, پرەزيدەنتتٸڭ جارلىعىمەن قۇرمانعازى اتىنداعى قازاق ۇلتتىق حالىق اسپاپتار وركەسترٸنە «ۇلتتىق» مەرتەبە بەرٸلدٸ. بۇل ونىڭ قىزمەتكەرلەرٸنٸڭ جالاقىسىن كٶتەرۋگە مٷمكٸندٸك بەردٸ.
روزا باعلانوۆا اتىنداعى «قازاقكونتسەرت» مكو جانىنان ۇلتتىق دەستٷرلٸ مەدەنيەت پەن ٶنەردٸ ناسيحاتتاۋعا باعىتتالعان «حالىق قازىنا» ۇلتتىق ٶنەر ورتالىعى قۇرىلدى. ال ناۋرىز مەرەكەسٸنە وراي ەلوردادا جىرشى مەن تەرمە ورىنداۋشىلارىنىڭ اۋقىمدى حالىقارالىق فەستيۆالٸ ٶتتٸ.
قورىتا ايتقاندا, بارلىق وتانداسىمىزدى ۇلتتىق دومبىرا كٷنٸمەن تاعى دا قۇتتىقتاعىم كەلەدٸ.
كيەلٸ دومبىرامىز, ونىڭ قوس ٸشەك, توعىز پەرنەسٸنەن تٶگٸلگەن كٷي, ەۋەلەگەن ەن حالقىمىزبەن بٸرگە مەڭگٸ جاساي بەرسٸن!», - دەپ جازدى مينيستر.
