sýret ashyq derekkózden alyndy
Búgin elimizde Ulttyq dombyra kúni erekshe atalyp ótti. Respýblika boiynsha saltanatty is-sharalar uiymdastyrylyp, eń irileriniń biri búgin Astanada ótti. Bul týraly QR Mádeniet jáne sport ministri Ashat Oralov Telegram kanalynda jazdy, - dep habarlaidy «Ult aqparat».
«Báiterek» monýmentiniń janynda Mádeniet jáne sport ministrligi uiymdastyrǵan kontsertke otandyq mýzyka juldyzdary qatysty.
Elorda turǵyndary men qonaqtaryn Qazaqstannyń eńbek sińirgen qairatkerleri, sonyń ishinde: Seken Turysbekov, Aitqali Jaiymov, Ramazan Stamǵaziev, Aigúl Elshibaeva, Qairat Kákimov, Erlan Rysqali, Aigúl Qosanova, Dinzýhra Tilendieva, Aigúl Úlkenbaeva,
«Astana Opera» opera jáne balet teatry, Qurmanǵazy atyndaǵy Qazaq ulttyq halyq aspaptar orkestri, N.Tilendiev atyndaǵy «Otyrar sazy» Qazaq memlekettik akademiialyq folklorlyq-etnografiialyq ulttyq aspaptar orkestri, jaqyn shet elderdiń ártisteri jáne t.b. solister kieli dombyra shanaǵynan kúi áýeletti.
Kontsert kóptegen kórermendi, sonyń ishinde sheteldik týristeri airyqsha tánti etti.
Is-shara bastalar aldynda jinalǵan qaýymdy Ulttyq dombyra kúnimen quttyqtap, tól aspabymyzdy ulyqtaýda júrgizip jatqan jumystar týraly aittym.
Dombyra - bul jai ǵana aspap emes, ol qazaq halqynyń boitumary ári bizdiń bai mýzykalyq mádenietimizdiń qainary. Árine, ulttyq ónerimizdi saqtamai, rýhani muramyzdy baiytý múmkin emes.
Bizdiń ministrlik osy baǵytta belsendi jumys júrgizip jatyr.
Atap aitqanda, dombyrada jáne basqa da dástúrli aspaptarda oinaý óneri materialdyq emes mádeni mura elementteriniń ulttyq tizimine qosyldy. Al «Orteke» qýyrshaq bii IýNESKO-nyń materialdyq emes mádeni mura tizimine endi.
Memleket basshysynyń mektep baǵdarlamasyna dombyra sabaqtaryn engizý jónindegi bastamasyna sáikes, memlekettik shyǵarmashylyq tapsyrys aiasynda elimizde 650-ge jýyq dombyra úiirmesi jumys isteidi. Olarǵa 26 myńnan astam bala qatysady.
Sonymen qatar, Prezidenttiń Jarlyǵymen Qurmanǵazy atyndaǵy Qazaq ulttyq halyq aspaptar orkestrine «Ulttyq» mártebe berildi. Bul onyń qyzmetkerleriniń jalaqysyn kóterýge múmkindik berdi.
Roza Baǵlanova atyndaǵy «Qazaqkontsert» MKO janynan ulttyq dástúrli mádeniet pen ónerdi nasihattaýǵa baǵyttalǵan «Halyq Qazyna» Ulttyq Óner ortalyǵy quryldy. Al naýryz merekesine orai elordada jyrshy men terme oryndaýshylarynyń aýqymdy halyqaralyq festivali ótti.
Qoryta aitqanda, barlyq otandasymyzdy Ulttyq dombyra kúnimen taǵy da quttyqtaǵym keledi.
Kieli dombyramyz, onyń qos ishek, toǵyz pernesinen tógilgen kúi, áýelegen án halqymyzben birge máńgi jasai bersin!», - dep jazdy ministr.
