وتاندىق Shoqan كيٸم برەندٸ قوعامدا قىزۋ تالقىعا تٷسكەن «بورات» بەينەسٸ قولدانىلعان جارناماسىنا قاتىستى رەسمي مەلٸمدەمە جاسادى. بۇعان دەيٸن ەلەۋمەتتٸك جەلٸ قولدانۋشىلارى جارنامانى ۇلت نامىسىنا تيەتٸن, قازاق حالقىن كەلەمەجدەيتٸن كونتەنت دەپ باعالاپ, برەندتٸ قاتاڭ سىنعا العان ەدٸ, دەپ حابارلايدى ult.kz.
قوعامداعى نارازىلىقتان كەيٸن كومپانييانىڭ نەگٸزٸن قالاۋشى ۇلىقبەك شەرٸپوۆ داۋلى ۆيدەونى ەلەۋمەتتٸك جەلٸدەن الىپ تاستاپ, بولعان جاعدايعا بايلانىستى پٸكٸر بٸلدٸردٸ. ونىڭ ايتۋىنشا, جارناما ارزان تانىمالدىققا جەتۋ ٷشٸن تٷسٸرٸلمەگەن جەنە قازاق حالقىنىڭ مەدەنيەتٸ مەن ۇلتتىق قۇندىلىقتارىن قورلاۋ ماقساتىن كٶزدەمەگەن.
سونىمەن قاتار, كومپانييا ٶكٸلدەرٸ ٶزدەرٸنٸڭ ەلەۋمەتتٸك جوبالارىن دا اتاپ ٶتتٸ. ولار مەكتەپ اشىپ, ەلەۋمەتتٸك جاعدايى تٶمەن وتباسىلاردىڭ بالالارىنا گرانتتار بٶلٸپ جٷرگەندەرٸن ايتىپ, الداعى ۋاقىتتا قازاق تٸلٸندەگٸ ساپالى كونتەنتتٸ كٶبەيتۋگە كٷش سالاتىندارىن جەتكٸزدٸ.
دەگەنمەن, بۇل مەلٸمدەمە قوعامداعى پٸكٸرتالاستى توقتاتا المادى. بٸر توپ جۇرتشىلىق قاتەلٸگٸن مويىنداعان برەندكە ەكٸنشٸ مٷمكٸندٸك بەرۋ كەرەك دەپ ەسەپتەسە, ەندٸ بٸرٸ ۇلتتىق قۇندىلىقتاردى قورلاعاننان كەيٸن قايىرىمدىلىق ٸستەرٸن العا تارتۋ ورىنسىز ەكەنٸن ايتىپ, سىن ايتتى. برەندكە قاتىستى داۋ ەلەۋمەتتٸك جەلٸلەردە ەلٸ دە قىزۋ تالقىلانىپ جاتىر.
بورات – بريتاندىق اكتەر ەرٸ كوميك Sacha Baron Cohen ويلاپ تاپقان ويدان شىعارىلعان كەيٸپكەر. ول العاش رەت 2000 جىلداردىڭ باسىندا تەلەشوۋلاردا پايدا بولىپ, كەيٸن ەكٸ فيلمنٸڭ باستى كەيٸپكەرٸنە اينالدى.
كەيٸپكەر ٶزٸن قازاقستاننان كەلگەن جۋرناليست رەتٸندە تانىستىرادى. الايدا ونىڭ وبرازى قازاقستاننىڭ شىنايى مەدەنيەتٸ مەن حالقىن كٶرسەتپەيدٸ. كەرٸسٸنشە, ول ەدەيٸ ەسٸرەلەنگەن, ساۋاتسىز, وعاش ەرٸ كٷلكٸلٸ بەينە رەتٸندە جاسالعان. فيلمدە قازاقستان تۋرالى كٶپتەگەن جالعان ەرٸ كەلەمەج سيپاتتاعى كٶرٸنٸستەر كٶرسەتٸلگەن.
2006 جىلى شىققان Borat: Cultural Learnings of America for Make Benefit Glorious Nation of Kazakhstan فيلمٸ ٷلكەن داۋ تۋدىردى. قازاقستان بيلٸگٸ بۇل فيلم ەلدٸڭ بەدەلٸنە نۇقسان كەلتٸرەدٸ دەپ مەلٸمدەگەن بولاتىن. كەيٸنگٸ جىلدارى بۇل كەيٸپكەرگە قاتىستى كٶزقاراس ٶزگەرگەنٸمەن, كٶپتەگەن قازاقستاندىقتار ٷشٸن «بورات» ەلٸ كٷنگە دەيٸن ۇلتتىق نامىسقا تيەتٸن وبراز رەتٸندە قابىلدانادى.
سوندىقتان Shoqan برەندٸنٸڭ جارناماسىندا وسى كەيٸپكەردٸڭ بەينەسٸنە ۇقساس وبرازدىڭ قولدانىلۋى ەلەۋمەتتٸك جەلٸلەردە سىنعا ۇشىراپ, جۇرتشىلىق ونى قازاقتاردى مازاق ەتۋگە ۇقساتا قابىلدادى. ال برەند ٶكٸلدەرٸ مۇنداي نيەت بولماعانىن ايتىپ, جارنامانى الىپ تاستاپ, كەشٸرٸم سۇرادى.
