وڭتٷستٸككورەيالىق ENHYPEN توبىنىڭ كٶشباسشىسى چونۆون ەلەۋمەتتٸك جەلٸدە تاراعان سىننان كەيٸن قازاقستاندىقتاردان كەشٸرٸم سۇرادى, دەپ حابارلايدى Ult.kz, qazaqshanews-كە سٸلتەمە جاساپ.
بۇعان دەيٸن چونۆون قازاقستاندىق حورەوگراف باستاعان بي ترەندٸن قايتالاپ تٷسٸرگەن ۆيدەوسىن جارييالاعان. الايدا جەلٸ قولدانۋشىلارى ونىڭ كيگەن فۋتبولكاسىنداعى «بورات» فيلمٸنە قاتىستى بەينەگە نازار اۋدارعان.
پٸكٸر بٸلدٸرۋشٸلەردٸڭ ايتۋىنشا, بۇل فيلم قازاقستان تۋرالى جالعان ەرٸ قورلايتىن ستەرەوتيپتەردٸڭ تارالۋىنا سەبەپ بولعان. سوندىقتان مۇنداي بەينەسٸ بار كيٸمدٸ پايدالانۋ, ەسٸرەسە قازاقستاندىق اۆتوردىڭ ترەندٸنە قاتىسۋ كەزٸندە, كٶپشٸلٸك تاراپىنان قۇرمەتسٸزدٸك رەتٸندە قابىلدانعان.
وسىدان كەيٸن چونۆون تٸكەلەي ەفيرگە شىعىپ, جاعدايعا قاتىستى تٷسٸنٸكتەمە بەردٸ. ونىڭ ايتۋىنشا, ول فۋتبولكاداعى بەينەنٸڭ «بورات» فيلمٸمەن بايلانىستى ەكەنٸن بٸلمەگەن.
«كەيٸن بۇل بەينەنٸڭ قازاقستانداعى كٶپتەگەن ادامدار قورلايتىن دەپ سانايتىن فيلممەن بايلانىستى ەكەنٸن بٸلدٸم. شىنىمدى ايتسام, مەن مۇنى بٸلمەدٸم. بٸراق ەگەر مەنٸڭ كيگەن فۋتبولكام ادامدارعا جايسىزدىق تۋدىرسا, وندا بۇل - مەنٸڭ قاتەلٸگٸم. بارشاڭىزدان شىن جٷرەكتەن كەشٸرٸم سۇرايمىن», - دەدٸ ٶنەرپاز.
چونۆون سٶزٸنٸڭ سوڭىندا داۋلى فۋتبولكانى بٸردەن لاقتىرىپ جٸبەرگەنٸن جەنە ۆيدەونى ٶشٸرٸپ تاستاعانىن ايتتى. سونداي-اق ول كەشٸرٸم سۇراۋدى ەرتەرەك جوسپارلاعانىن, بٸراق قازاقستاندا تٷن بولعاندىقتان ٷندەۋٸن كٶپشٸلٸك كٶرۋٸ ٷشٸن تاڭ اتقانشا كٷتكەنٸن جەتكٸزدٸ.
