فوتو: Tengrinews.kz/تۇرار قازانعاپوۆ
«بولاشاق» حالىقارالىق ستيپەنديياسى يەگەرلەرٸنٸڭ تٸزٸمٸ جارييالاندى, دەپ حابارلايدى "ۇلت اقپارات" «حالىقارالىق باعدارلامالار ورتالىعىنىڭ» باسپاسٶز قىزمەتٸنە سٸلتەمە جاساپ.
رەسپۋبليكالىق كوميسسييا شەشٸمٸمەن بيىلعى جىلدىڭ ٷشٸنشٸ لەگٸندە ستيپەندييا 178 ادامعا تاعايىندالدى. ونىڭ ٸشٸندە 78 ادام ەلەمنٸڭ ٷزدٸك جوعارى وقۋ ورىندارىنىڭ ماگيستراتۋراسىنا, 6 ادام دوكتورانتۋراسىنا تٷستٸ. سونداي-اق, 110 ستيپەنديات «تاعىلىمداما» باعدارلاماسى بويىنشا بٸلٸكتٸلٸگٸن ارتتىرادى.
«بولاشاق» ستيپەنديياسىنىڭ يەگەرلەرٸ ەلەمنٸڭ 20 مەملەكەتٸندە اكادەمييالىق بٸلٸم الادى جەنە تاعىلىمادامان ٶتەدٸ. 93 ادام اقش-تىڭ, 47 ادام ۇلىبريتانييانىڭ جەنە ت.ب. ەلدەردٸڭ جوعارى وقۋ ورىندارىندا بٸلٸم الماق.
بيىل مەملەكەت باسشىسىنىڭ تاپسىرماسى اياسىندا «بولاشاق» باعدارلاماسىن قايتا باعدارلاۋ پروتسەسٸ ٸسكە قوسىلدى. باسىمدىق ينجەنەرلٸك-تەحنيكالىق كادرلاردى دايارلاۋعا بەرٸلەدٸ.
ەستەرٸڭٸزگە سالا كەتەيٸك, 27 جەلتوقساندا قازاقستان رەسپۋبليكاسىنىڭ مەملەكەتتٸك كەڭەسشٸسٸ ەرلان قاريننٸڭ تٶراعالىعىمەن شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ.
«بولاشاق» حالىقارالىق ستيپەنديياسى يەگەرلەرٸنٸڭ تٸزٸمٸن مىنا سٸلتەمەدەن كٶرە الاسىز.
