Foto: Tengrinews.kz/Turar Qazanǵapov
«Bolashaq» halyqaralyq stipendiiasy iegerleriniń tizimi jariialandy, dep habarlaidy "Ult aqparat" «Halyqaralyq baǵdarlamalar ortalyǵynyń» baspasóz qyzmetine silteme jasap.
Respýblikalyq komissiia sheshimimen biylǵy jyldyń úshinshi leginde stipendiia 178 adamǵa taǵaiyndaldy. Onyń ishinde 78 adam álemniń úzdik joǵary oqý oryndarynyń magistratýrasyna, 6 adam doktorantýrasyna tústi. Sondai-aq, 110 stipendiat «Taǵylymdama» baǵdarlamasy boiynsha biliktiligin arttyrady.
«Bolashaq» stipendiiasynyń iegerleri álemniń 20 memleketinde akademiialyq bilim alady jáne taǵylymadaman ótedi. 93 adam AQSh-tyń, 47 adam Ulybritaniianyń jáne t.b. elderdiń joǵary oqý oryndarynda bilim almaq.
Biyl Memleket basshysynyń tapsyrmasy aiasynda «Bolashaq» baǵdarlamasyn qaita baǵdarlaý protsesi iske qosyldy. Basymdyq injenerlik-tehnikalyq kadrlardy daiarlaýǵa beriledi.
Esterińizge sala keteiik, 27 jeltoqsanda Qazaqstan Respýblikasynyń Memlekettik keńesshisi Erlan Qarinniń tóraǵalyǵymen Shetelde kadrlar daiarlaý jónindegi respýblikalyq komissiianyń kezekti otyrysy ótti.
«Bolashaq» halyqaralyq stipendiiasy iegerleriniń tizimin myna siltemeden kóre alasyz.
