گەرمانييانىڭ وڭتٷستٸگٸندەگٸ رايناۋ قالاسىنىڭ جاڭا بۋرگوميسترٸ قىزمەتٸنە كٸرٸسە سالىسىمەن كٷتپەگەن مەسەلەگە تاپ بولدى. بويى 198 سانتيمەتر بولاتىن ەكٸم ٶز كابينەتٸنٸڭ ەسٸگٸنەن ٶتە الماي شىققان. سونىڭ سالدارىنان جەرگٸلٸكتٸ بيلٸك ەسٸكتٸ قايتا جٶندەۋگە جەنە كەڭسە جيھازىن اۋىستىرۋعا 24 مىڭ ەۋرو بٶلۋدٸ سۇرادى, دەپ حابارلايدى ult.kz.
2026 جىلدىڭ كٶكتەمٸندە ٶتكەن سايلاۋدا تەۋەلسٸز كانديدات كريستيان فرانكەن رايناۋ قالاسىنىڭ بۋرگوميسترٸ بولىپ سايلانعان ەدٸ. سايلاۋالدى ناۋقانىندا ول بيۋدجەت قارجىسىن ۇقىپتى باسقارۋعا ۋەدە بەرٸپ, «ادام. ەكونوميكا. بولاشاق» ۇرانىمەن شىققان.
الايدا قىزمەتٸنە كٸرٸسكەننەن كەيٸن ونىڭ بويى كابينەت ەسٸگٸنٸڭ بيٸكتٸگٸنەن اسىپ تٷسەتٸنٸ بەلگٸلٸ بولدى. ەكٸمنٸڭ بويى – 198 سانتيمەتر بولسا, ەسٸك ويىعىنىڭ بيٸكتٸگٸ نەبەرٸ 190 سانتيمەتر. وسىعان بايلانىستى ەكٸمدٸك ەسٸكتٸ قايتا بەيٸمدەۋگە قوسىمشا 12 مىڭ ەۋرو بٶلۋدٸ سۇراعان.
بۇل باستاما جەرگٸلٸكتٸ تۇرعىندار مەن باق اراسىندا قىزۋ پٸكٸرتالاس تۋعىزدى. ەسٸرەسە, كٶپشٸلٸكتٸڭ نارازىلىعىن ەسٸكتٸڭ نەبەرٸ ەكٸ جىل بۇرىن, 2024 جىلى عانا جاڭارتىلعانى كٷشەيتكەن. بۇعان قوسا, ەكٸمنٸڭ بويىنا سەيكەس كەلمەيتٸن ەسكٸ جۇمىس ٷستەلٸ مەن مونيتوردى اۋىستىرۋ ٷشٸن تاعى 12 مىڭ ەۋرو قاجەت ەكەنٸ ايتىلعان.
سىن كٷشەيگەن سوڭ قالا ەكٸمدٸگٸ ارنايى تٷسٸندٸرمە جارييالادى. وندا بۇل شىعىنداردىڭ ەڭبەك قاۋٸپسٸزدٸگٸن قامتاماسىز ەتۋ جەنە جۇمىس بارىسىندا جاراقات الۋ قاۋپٸن ازايتۋ ماقساتىندا جوسپارلانعانى ايتىلعان.
ال كريستيان فرانكەننٸڭ ٶزٸ قىزمەتكە كٸرٸسكەننەن كەيٸن ەسٸكتٸڭ جاقتاۋىنا بٸر رەت باسىن سوعىپ العانىن ايتىپ, ەزٸلمەن: «ەگەر جٶندەۋ جاسالماسا, ماعان تەك دۋلىعا عانا كٶمەكتەسەدٸ», – دەگەن.
