قازٸر ەلەۋمەتتٸك جەلٸدە بلوگەر بوتا ميانىڭ قىرعىزستاندىق بالاعا سىيلاعان تۇلپارىنىڭ جابۋى قىزۋ تالقىلانىپ جاتىر, دەپ حابارلايدى ult.kz.
بٸراق دەل وسىنداي شۋ بٸرنەشە جىل بۇرىن شەنەۋنٸكتەردٸڭ دە باسىنان ٶتكەن.
ايتا كەتەيٸك, اتىراۋ وبلىسى قۇرمانعازى اۋدانىندا 63 جاستاعى دەپۋتاتتىڭ مەملەكەتتٸك تۋدىڭ بەينەسٸ بار جابىندى جابىلعان اتقا مٸنگەن سەتٸ ەلەۋمەتتٸك جەلٸدە قىزۋ تالقىعا تٷسكەن. كٶپشٸلٸك مۇنى دەپۋتات مەملەكەتتٸك تۋدى قورلاپ وتىر دەپ قابىلداپ, ەرەكەتكە نارازىلىق بٸلدٸردٸ.
الايدا اۋدان ەكٸمدٸگٸ بۇل جاعدايعا قاتىستى تٷسٸنٸكتەمە بەردٸ.
«بۇل سىيلىق قۇرمانعازى اۋدانى ەڭبەكشٸ اۋىلدىق وكرۋگٸ تۇرعىندارى مەن ارداگەرلەر كەڭەسٸ قوعامدىق بٸرلەستٸگٸ اتىنان جاسالدى. تۋعان كٷن يەسٸنە قۇرمەت رەتٸندە اتقا قازاقستان رەسپۋبليكاسىنىڭ مەملەكەتتٸك تۋىنىڭ ەلەمەنتتەرٸ بەينەلەنگەن ارنايى جابىندى جابىلدى. اتالعان جابىندى زوودٷكەننەن ساتىپ الىنعانىن اتاپ ٶتەمٸز», – دەپ مەلٸمدەدٸ ەكٸمدٸك.
وسىلايشا, ەكٸمدٸك اتقا جابىلعان بۇيىم مەملەكەتتٸك تۋدىڭ ٶزٸ ەمەس, تەك تۋ ەلەمەنتتەرٸ بەينەلەنگەن ارنايى جابىندى ەكەنٸن تٷسٸندٸرگەن بولاتىن.
دەل سول سيياقتى, بوتا ميا دا ات ٷستٸندەگٸ جابىندى مەملەكەتتٸك رەمٸز ەمەس ەكەنٸن باسا ايتتى.
«اتتىڭ ٷستٸنە جابىلعان دٷنيە مەملەكەتتٸك تۋ ەمەس. بۇل دٷكەندە ساتىلاتىن, اتقا ارنالعان ارنايى جامىلعى. وندا مەملەكەتتٸك تۋدىڭ بەينەسٸ جوق, تەك قازاقستاندى بٸلدٸرەتٸن كٷن مەن قىران ەلەمەنتتەرٸ عانا قولدانىلعان, - دەپ جازدى بلوگەر.
ول زاڭگەرلەرمەن دە اقىلداسقانىن جەتكٸزدٸ.
