بٷگٸن ٷكٸمەتتٸڭ باسپاسٶز ورتالىعىندا ٶتكەن باسپاسٶز كونفەرەنتسيياسىندا ۇلتتىق ەكونوميكا ۆيتسە-مينيسترٸ ەرمەك الپىسوۆ «بيزنەستٸڭ جول كارتاسى-2020» مەملەكەتتٸك باعدارلاماسى اياسىندا ەلٸمٸزدە شاعىن جەنە ورتا بيزنەستٸڭ دامۋى مەن كٶرسەتٸلەتٸن قولداۋ شارالارى تۋرالى ايتىپ بەردٸ, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
«بيزنەستٸڭ جول كارتاسى-2020» مەملەكەتتٸك باعدارلاماسىنىڭ نەگٸزگٸ ماقساتتارى – ٶڭٸرلٸك كەسٸپكەرلٸكتٸڭ تۇراقتى ەرٸ تەڭگەرٸلٸمدٸ ٶسٸمٸن قامتاماسىز ەتۋ, قازٸرگٸ جەنە جاڭادان قۇرىلاتىن جۇمىس ورىندارىنا قولداۋ كٶرسەتۋ.
باعدارلاما ٸسكە اسىرىلعان تٶرت جىلدان بەرٸ رەسپۋبليكالىق بيۋدجەتتەن 210,5 ملرد تەڭگە بٶلٸندٸ. بۇل قاراجات 13 مىڭ شوب سۋبەكتٸسٸن قارجىلاندىرۋعا, ورتا ەسەپپەن جىلىنا 20 مىڭ كەسٸپكەردٸ وقىتۋعا, 10 مىڭ جۇمىس ورنىن قۇرۋعا, 3,3 ترلن تەڭگە سوماسىنا ٶنٸم شىعارۋعا مٷمكٸندٸك بەردٸ. تٶلەنگەن سالىقتار سوماسى جىل سايىن 175 ملرد تەڭگەنٸ قۇرادى.
«جالپى, باعدارلاما ٸسكە اسىرىلعان تٶرت جىلدا رەسپۋبليكالىق جەنە جەرگٸلٸكتٸ بيۋدجەتتەردەن 247,1 ملرد تەڭگە كٶلەمٸندە 13 380 جوباعا قولداۋ كٶرسەتٸلدٸ», — دەپ ناقتىلادى ۇلتتىق ەكونوميكا ۆيتسە-مينيسترٸ.
بٶلٸنگەن قاراجاتتىڭ باسىم بٶلٸگٸ نەسيەلەر بويىنشا سىياقى مٶلشەرلەمەسٸن سۋبسيدييالاۋعا باعىتتالدى (126 ملرد تەڭگەسٸ نەمەسە بارلىق سومانىڭ 60,1%). 53 ملرد تەڭگەسٸ نەمەسە 25,2% فابريكالارعا, زاۋىتتارعا جەنە شوب ٶندٸرٸستٸك نىساندارىنا جەتكٸلٸكسٸز ينفراقۇرىلىمدى جٷرگٸزۋگە باعىتتالدى. قالعان بٶلٸگٸ نەسيەلەردٸ كەپٸلدەندٸرۋگە, گرانتتار ۇسىنۋعا, كەسٸپكەرلەردٸ وقىتۋعا جەنە ولارعا كەڭەس بەرۋ قىزمەتتەرٸنە جۇمسالدى. باعدارلاما تەتٸكتەرٸنە سۇرانىس ٶتە جوعارى.
جالپى شارالار نەتيجەسٸندە شوب-تىڭ ەكونوميكاداعى ماڭىزى ارتتى. مەسەلەن, 2015 جىلى جٸٶ-دەگٸ شوب ٷلەسٸ 24,9% قۇراسا, 2018 جىلدىڭ قورىتىندىسى بويىنشا 28,3% بولدى. 2015 جىلمەن سالىستىرعاندا, شاعىن جەنە ورتا كەسٸپكەرلەردٸڭ ەل ەكونوميكاسىنا قاتىسۋى 3,4 پايىزدىق پۋنكتكە جوعارىلادى.
2018 جىلدىڭ قورىتىندىسى بويىنشا شوب-تىڭ ٶنٸمدەر شىعارۋ كٶلەمٸ 26 ترلن تەڭگەدەن استى. بۇل رەتتە, ٶنٸم شىعارۋ قۇرىلىمىنىڭ بەستەن بٸر بٶلٸگٸ ٶنەركەسٸپتٸڭ ٷلەسٸنە تيەسٸلٸ.
جالپى, 2018 جىلى ەلٸمٸزدە ٶندٸرٸس ٶسٸمٸ 2015 جىلعى دەڭگەيدەن ناقتى مەنٸندە 114% (نەمەسە 26,5 ترلن تەڭگەنٸ) قۇرادى.
ال 2019 ج. 1 قاڭتارداعى مەلٸمەتتەر بويىنشا, شاعىن جەنە ورتا كەسٸپكەرلٸك سۋبەكتٸلەرٸنٸڭ سانى 1,2 ملن بٸرلٸكتٸ قۇرادى. ٶتكەن جىلدىڭ وسىنداي كەزەڭٸمەن سالىستىرعاندا, بۇل كٶرسەتكٸش 8,3%-عا ارتتى.
سونىمەن قاتار ۇلتتىق ەكونوميكا ۆيتسە-مينيسترٸ ە. الپىسوۆ 2019 ج. ٸ توقسانداعى شاعىن جەنە ورتا كەسٸپكەرلٸكتٸڭ دامۋ قورىتىندىلارى تۋرالى اقپاراتتاندىردى. بۇل كەزەڭدە بارلىعى 715 جوباعا قولداۋ كٶرسەتٸلدٸ.
جەرگٸلٸكتٸ اتقارۋشى ورگاندار كونكۋرستىق رەسٸمدەر قورىتىندىسى بويىنشا وسى جىلدىڭ ەكٸنشٸ جارتىسىندا گرانتتار بەرە باستايدى.
2019 جىلى 15 ينفراقۇرىلىمدىق جوبا بويىنشا 7,3 ملرد تەڭگە قاراستىرىلعان. جوبالار ٸسكە اسىرىلۋ ساتىسىندا.
«بيزنەستٸڭ جول كارتاسى-2020» باعدارلاماسىنىڭ ماڭىزدى باعىتى كەسٸپكەرلٸك ەلەۋەتتٸ نىعايتۋ بولىپ تابىلادى. بۇل باعىت بيزنەس جٷرگٸزۋ نەگٸزدەرٸنە وقىتۋ بويىنشا جوبالار كەشەنٸن, شاعىن جەنە ورتا بيزنەس قۇزىرەتتەرٸن كٶتەرۋدٸ, ەلەۋەتتٸ جەنە ٶز ٸسٸن باستاعان كەسٸپكەرلەرگە قولداۋ كٶرسەتۋ ٷشٸن كونسۋلتاتسييالىق كەڭەس بەرۋدٸ قامتيدى. كەڭەس بەرۋ كەزٸندە بيزنەس-جوسپاردى قالاي ەزٸرلەۋ, سالىقتاردى قالاي تٶلەۋ, دەكلاراتسييانى قالاي تاپسىرۋ, بانكتەرگە قالاي جٷگٸنٸپ, ليتسەنزييانى قالاي تاپسىرۋ ت.ب. كەرەكتٸگٸ تٷسٸندٸرٸلەدٸ.
وسىلايشا, جىل سايىن 20 مىڭعا جۋىق كەسٸپكەر وقىتىلىپ, قۇزىرەتتەرٸ ارتتىرىلاتىن بولادى, ورتا ەسەپپەن العاندا 154 مىڭ كەسٸپكەر جىل سايىن كونسۋلتاتسييالىق (110 مىڭ) جەنە سەرۆيستٸك (44 مىڭ) قىزمەتتەر الاتىن بولادى.
بيىلعى جىلدىڭ ٸ توقسانىنىڭ قورىتىندىسى بويىنشا 6 135 تىڭداۋشى بيزنەس-مەكتەپتەردە كەسٸپكەرلٸك نەگٸزدەرٸ بويىنشا وقىتۋدان ٶتتٸ. كەسٸپكەرلەردٸ قولداۋ ورتالىقتارىندا بيزنەستٸ مەملەكەتتٸك قولداۋ شارالارى بويىنشا 19,5 مىڭ كلينەتكە 36 مىڭنان استام كەڭەس بەرٸلدٸ, 7 مىڭ كەسٸپكەرگە 8 مىڭعا جۋىق سەرۆيستٸك قىزمەت كٶرسەتٸلدٸ.
جالپى باعدارلامانىڭ تۇجىرىمداماسى جاسالىپ, ونىڭ تىڭ باعىتتارىن ايقىندايتىن جۇمىس توبى دا قۇرىلعان.
«بيزنەستٸڭ جول كارتاسى - 2020» باعدارلاماسىن 2025 جىلعا دەيٸن ۇزارتۋ شەڭبەرٸندە تۇجىرىمداما جاسالىپ, جۇمىس توبى قۇرىلدى. ونىڭ بارلىق دەڭگەيٸن تالقىلاپ جاتىرمىز. قارجىلىق قولداۋ قۇرالدارىن جەتٸلدٸرۋگە ارنالعان تٷزەتۋلەر جاسالدى», - دەدٸ ۇلتتىق ەكونوميكا ۆيتسە-مينيسترٸ ەرمەك الپىسوۆ ٷكٸمەتتٸڭ باسپاسٶز ورتالىعىندا ٶتكەن بريفينگتە.
باعدارلاما شەڭبەرٸندە كەپٸلدەندٸرۋ ٷشٸن نەسيە كٶلەمٸن ۇلعايتۋ جولىمەن كەپٸل بويىنشا جٷكتەمەنٸ ازايتۋ, ميكروقارجىلىق ۇيىمداردى تارتۋ, اينالىم قاراجاتىن نەسيەلەۋ ٷلەسٸن ارتتىرۋ, كەسٸپكەرلەردٸڭ تيٸمدٸ جوبالارىنا تالاپتاردى كٷشەيتۋ, مەملەكەتتٸك باعدارلاما جەنە باسقا دا قۇرالداردى ۇلعايتۋ شارالارى كٶزدەلگەن.
«بيزنەس-قاۋىمداستىقتى بەلسەندٸ قاتىسۋعا شاقىرامىز. بارلىق ۇسىنىستاردى قاراستىرۋعا دايىنبىز. بۇل شارالار مەملەكەتتٸك قولداۋ مەن قارجىلاندىرۋ شارالارىنىڭ قولجەتٸمدٸلٸگٸن قامتاماسىز ەتۋگە, سونداي-اق ونىڭ ەل ەكونوميكاسىنا ٷلەسٸن ارتتىرۋعا مٷمكٸندٸك بەرەتٸنٸنە سەنٸمدٸمٸن», - دەيدٸ ۆيتسە-مينيستر.
