بٷگٸن الماتىدا «جاڭا قازاقستان» فورۋمى رەسمي تٷردە ٶز جۇمىسىن باستاعانىن جارييالادى. بۇل تۋرالى ارنايى باسپاسٶز مەسليحاتىن ٶتكٸزگەن «جاڭا قازاقستان» مٷشەلەرٸ مەلٸمدەدٸ. جاڭا ۇيىمنىڭ مٷشەلەرٸ ساياساتكەر ەمٸرجان قوسانوۆ, ساياساتتانۋشى راسۋل جۇمالى مەن ايدوس سارىم جۋرناليستەردٸڭ سۇراقتارىنا جاۋاپ بەردٸ.
«جاڭا قازاقستان» — قوعامدىق بٸرلەستٸك جەتەكشٸلەرٸ, ساياساتكەرلەر, قۇقىق قورعاۋشىلار, جۋرناليستەر مەن ساراپشىلاردان قۇرالعان ىنتىماقتاستىق. ھەم ينتەلەكتۋالدى قوعامدىق الاڭ. ولار ەلدەگٸ ساياسي, ەكونوميكالىق, يدەالوگييالىق, اقپاراتتىق مونوپوليياعا قارسى كٷرەسپەك. بيلٸك ترانزيتٸنٸڭ تاياپ قالعاندىعىن ايتقان قوعام قايراتكەرلەرٸ ەكٸنشٸ پرەزيدەنتتٸڭ تاعايىندالماي سايلانۋىنا بۇقارا بولىپ ەسەر ەتۋٸمٸز كەرەك دەيدٸ.
- دامۋدىڭ ەكٸ جولى بار. ٶركەنيەتتٸ جەنە رەۆوليۋتسييالىق جول. بٸز بٸرٸنشٸ جولدى تاڭدايمىز. ەۆروپا مەن اقش-تا ساياسي بەسەكە بولعاندىقتان مەملەكەت قۋاتتى. كٶشەگە شاقىراتىن راديكالدى ۇرانداردى كٶتەرمەيمٸز. وي جارىستىرامىز. بارلىق قوعامدىق-ساياسي وقيعالارعا ساراپتاما جاساپ, باعا بەرەمٸز,- دەيدٸ ساياساتتانۋشى راسۋل جۇمالى.
زاڭ اياسىندا جۇمىس جاسايمىز دەگەن «جاڭا قازاقستان» فورۋمى جۋىردا قوعامدىق ۇيىم رەتٸندە تٸركەلۋگە ىقىلاستى ەكەن. ەگەر بٸزدٸ تٸركەمەسە بۇل بيلٸكتٸڭ ٶزٸنە سىن دەيدٸ قوعام قايراتكەرلەرٸ. قوعامدا «جاڭا قازاقستان» قۋعىنداعى ساياساتكەر مۇحتار ەبليازوۆتىڭ قدت-نا (دۆك) بالاما رەتٸندە اقوردانىڭ ىقپالىمەن قۇرىلدى دەگەن سٶز بار. وسىعان وراي ەمٸرجان قوسانوۆ جاۋاپ بەردٸ.
- بٸزدە بٸر ۇيىم قۇرىلسا ونى شەتتەن يا بولماسا اقوردادان قارجىلاندىرادى دەگەن ەڭگٸمە شىعادى. بٸزدٸڭ ارتىمىزدا تۇرعان ەشكٸم جوق. مۇحتار ەبليازوۆتىڭ ٶز جولى بار. قازاقستاننىڭ بولاشاعى جايلى ٶز كٶزقاراسى بار. كەزٸندە م. ەبليازوۆ, ع. جاقييانوۆتار قامالعاندا ولاردى قولداۋ شتابىندا بولدىم. ەلەۋمەتتٸك جەلٸدە مەن جايلى نەگٸزسٸز ەڭگٸمەلەردٸ ايتقاسىن ونى مەن دە سىنادىم. 27 جىلدان بەرٸ كٶپ نەرسە ٶزگەردٸ. قوعام قازٸر وياۋ. وسىندا وتىرعان ازاماتتاردىڭ بارلىعىن تۇرمىستارى جامان ەمەس. مىسالى بريۋسەلگە ٶز قاراجاتىمىزعا بارىپ كەلدٸك. بٸزدٸ ساتىپ الۋعا بيلٸك پەن وليگارحتاردىڭ اقشاسى جەتپەيدٸ, — دەدٸ ەمٸرجان قوسانوۆ.
دەرەككٶز: "جاس الاش"
