قر قارۋلى كٷشتەرٸ ەۋە قورعانىسى كٷشتەرٸنٸڭ باس قولباسشىسى نۇرلان ورمانبەتوۆ قاراعاندىداعى ەسكەري ۇشاق اپاتىنا سەبەپ بولۋى مٷمكٸن نۇسقالاردى اتادى, دەپ حابارلايدى "ۇلت اقپارات".
«بٸزدە ەسكٸ اۆياتسييالىق تەحنيكا دەگەن ۇعىم مٷلدە جوق. سەبەبٸ ەسكەري تەحنيكالار جوسپارلى تٷردە تەحنيكالىق تەكسەرٸس پەن كٷردەلٸ جٶندەۋدەن, رەگلامەنتتٸك جۇمىستاردان, مودەرنيزاتسييادان ٶتكٸزٸلٸپ تۇرادى. قورعانىس مينيسترلٸگٸنٸڭ ەۋە كٷشتەرٸن دامىتىپ, جاراقتاندىرۋ بويىنشا كەشەندٸ جوسپارى بار. ول اۆياتسييالىق وقيعالار قاۋپٸن بارىنشا ازايتۋى تيٸس. ەۋە كٷشتەرٸن دامىتىپ, جاراقتاندىرۋ جوسپارى جاڭا ەرٸ بەسەكەگە قابٸلەتتٸ ۇشاقتارمەن قامتاماسىز ەتۋدٸ دە قاراستىرادى. اۆياتسييالىق بٶلٸمدەردە جٷيەلٸ تٷردە ەۋە وقيعالارىنىڭ الدىن الۋ شارالارى جٷرگٸزٸلەدٸ. اتالمىش شاراعا اۆياتسييالىق پاركتٸڭ جاعدايى مەن اناليزٸ, پاركتٸڭ سەنٸمدٸلٸگٸن ارتتىرۋ ٷشٸن تيٸستٸ جۇمىستاردىڭ بەرٸن اتقارۋ, ۇشۋ بارىسىندا ەۋە تەحنيكاسىنان اقاۋ شىعۋىنا جول بەرمەۋ سەكٸلدٸ ماڭىزدى جۇمىستار كٸرەدٸ», - دەدٸ نۇرلان ورمانبەتوۆ وكق-دا ونلاين رەجيمدە ٶتكەن باسپاسٶز مەسليحاتىندا.
ەۋە قورعانىسى كٷشتەرٸنٸڭ باس قولباسشىسىنىڭ ايتۋىنشا ەسكەري ۇشقىشتار جىل سايىن قاۋٸپسٸزدٸك شارالارىنا بايلانىستى كونفەرەنتسييالاردا باس قوسادى. ول جيىندا ۇشۋ ساپارلارىنىڭ ماڭىزدى مەسەلەلەرٸ تالقىلانادى.
«باق-تا قازٸر ۇشاق اپاتىنا بايلانىستى ەرتٷرلٸ جورامال جازىلىپ جٷر. الايدا ول بولجامنىڭ بەرٸ دۇرىس ەمەس دەپ ايتار ەدٸم. قازٸر ونىڭ اپاتقا ۇشىراۋ سەبەبٸن انىقتاۋ ماقساتىندا ارنايى كوميسسييا جۇمىس جٷرگٸزٸپ جاتىر. كوميسسييا ەۋە تەحنيكاسىنىڭ اپاتىنا نە سەبەپ بولعانىن زەرتتەپ, نۇسقالاردىڭ بەرٸن تالداپ, اپاتتىڭ سەبەبٸن انىقتايتىن قورىتىندى شىعارادى», - دەدٸ ول.
نۇرلان ورمانبەتوۆ ەۋە تەحنيكاسىنىڭ اپاتقا ۇشىراۋ جاعدايىنا قاتىستى بٸرشاما نۇسقانىڭ قاراستىرىلىپ وتىرعانىن ايتادى.
«ونىڭ ٸشٸندە ەۋە تەحنيكاسىنان ۇشۋ كەزٸندە اقاۋ شىعۋى, سىرتقى فاكتورلاردىڭ ىقپالى, سونداي-اق ادام فاكتورى سەكٸلدٸ نۇسقالار دا زەرتتەلۋدە. اتالمىش ۇشاقتىڭ ەكيپاجى ٶتە ساۋاتتى ەرەكەت ەتە بٸلدٸ. بەرٸ جايلى اياقتالۋى ٷشٸن دەر كەزٸندە شارالاردى قولعا الىپ, اۆياتسييالىق تەحنيكانى ساقتاپ قالۋدىڭ بار امالىن قاراستىردى. ەيتسە دە وسىنداي اپات ورىن الىپ وتىر. كوميسسييانىڭ رەسمي قورىتىندىسىن كٷتسەڭٸزدەر دەپ ٶتٸنەمٸز. ول تۋرالى قوسىمشا الداعى ۋاقىتتا حابارلايمىز», - دەدٸ ول.
ەسكە سالا كەتسەك كەشە قاراعاندى وبلىسىندا ەسكەري ۇشاقتىڭ اپاتقا ۇشىراعانى تۋرالى حابارلاعان ەدٸك. قۇلاعان ۇشاقتان ەكٸ سارباز زارداپ شەكتٸ.
