يادرولىق دەرجاۆا بولعانىمىزدا سولتٷستٸك كورەيا سيياقتى بولار ەدٸك. بٷگٸن اقش-قا رەسمي ساپارىن قورىتىندىلاپ, قازاقستاندىق جەنە شەتەلدٸك باق ٶكٸلدەرٸنە سۇحبات بەرگەن ەلباسى نۇرسۇلتان نازارباەۆ وسىلاي دەدٸ, دەپ حابارلايدى قازاقپارات.
«اقش, رەسەي جەنە قىتايدان كەيٸنگٸ ەلەمدەگٸ تٶرتٸنشٸ يادرولىق ارسەنالدان سانالى تٷردە باس تارتتىق. بٸزدە 1100 وقتۇمسىق, امەريكا قۇراما شتاتتارىنىڭ تەرريتوريياسىنا دەيٸن جەتە الاتىن 110 دانا سس-18 زىمىراندارى بولدى. سول كەزدە ولاردى قالدىرىپ, يادرولىق دەرجاۆاعا اينالۋ, بارلىعىن قورقىتۋ تٶڭٸرەگٸندە كٶپتەگەن پٸكٸرتالاس بولدى. دەگەنمەن حالىق مەنٸڭ شەشٸمٸمە قولداۋ كٶرسەتتٸ جەنە بٸز دۇرىس جاسادىق», - دەدٸ نۇرسۇلتان نازارباەۆ.
ەلباسى سونىڭ ارقاسىندا قازاقستان 25 جىلدىڭ ٸشٸندە ەلەمنٸڭ بارلىق ەلدەرٸنٸڭ سەنٸمٸنە يە بولىپ, حالىقارالىق ارەنادا بەدەلٸ ٶسكەنٸن, 300 ملرد دوللاردان استام تٸكەلەي شەتەل ينۆەستيتسيياسىن تارتا العانىن, سول ينۆەستيتسييالار ەل ەكونوميكاسىن كٶتەرگەندٸگٸن ايتتى.
«ال ەگەر بٸز يادرولىق دەرجاۆا بولعانىمىزدا قازٸر سولتٷستٸك كورەيا سيياقتى بولار ەدٸك. سوندىقتان دا بٸزدٸڭ يادرولىق قارۋدان باس تارتقان ەل رەتٸندە مورالدىق قۇقىمىز بار. مەن وسى مورالدىق قۇقىعىمىزدى پايدالانا وتىرىپ, يرانمەن, ٶزٸم جاقسى بٸلەتٸن پرەزيدەنتٸ حومەينيمەن سٶيلەسٸپ, بٸزدٸڭ باس تارتقانىمىزدى ايتتىم. «سٸزدەر 10 اتوم بومباسىنا يە بولارسىزدار, ال ەلەمدە ولاردىڭ سانى 7,5 مىڭ. ال بۇل تەۋەلسٸزدٸككە قورعان بولا ما?», دەدٸم. تەۋەلسٸزدٸكتٸ بارلىق مەملەكەتتەرمەن جاقسى قارىم-قاتىناس, ەلدٸڭ بەدەلٸ, يگٸ ەسٸمٸ بەرەدٸ. دەل سول سيياقتى سولتٷستٸك كورەياعا دا سٶز ارناپ, يادرولىق قارۋدىڭ تەۋلەسٸزدٸكتٸڭ تٸرەگٸ ەمەس كەرٸسٸنشە قوزدىرعىشى بولاتىندىعىن ايتامىن. قازٸر ولار توقتاپ, بٷكٸل ەلەمگە باس تارتاتىندىعىن ايتار بولسا, بٸز سيياقتى تاتۋ-تەتتٸ قارىم-قاتىناستى ولار دا الا الار ەدٸ. ودان كەيٸن ينۆەستيتسييا كەلٸپ, ول ەلدٸ دامىتىپ, حالىقتىڭ تۇرمىس-تٸرشٸلٸگٸ جاقسارا تٷسەدٸ», - دەدٸ نۇرسۇلتان نازارباەۆ.
