قازاقستان جاڭا ەلەمدە ٶزٸنٸڭ لايىقتى ورنىن الۋعا تيٸس. بۇل تۋرالى قازاقستان حالقىنا جولداۋىن جارييا ەتكەن قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«بٸز قازٸرگٸ قيىندىقتى مٸندەتتٸ تٷردە ەڭسەرەمٸز. دەگەنمەن ەلٸمٸزدٸڭ جاڭا گەوساياسي احۋالداعى ۇزاقمەرزٸمدٸ دامۋىن ەستەن شىعارماۋىمىز كەرەك. قازٸر ەلەم سوڭعى 100 جىل ٸشٸندە بولماعان داعدارىستى باستان كەشٸرۋدە. ساراپشىلاردىڭ ايتۋىنشا, جاھاندىق ەكونوميكانى قايتا قالپىنا كەلتٸرۋ ٷشٸن كەمٸندە 5 جىلعا دەيٸن ۋاقىت قاجەت. دەي تۇرعانمەن بولاشاقتا كٶش باستايتىن مەملەكەتتەردٸڭ بەسەكەگە قابٸلەتٸ دەل وسىنداي داعدارىستار مەن كٷردەلٸ ٶزگەرٸستەر كەزٸندە شىڭدالادى. قازاقستان جاڭا ەلەمدە ٶزٸنٸڭ لايىقتى ورنىن الۋعا تيٸس», - دەدٸ مەملەكەت باسشىسى.
قر پرەزيدەنتٸنٸڭ اتاپ ٶتۋٸنشە, تۇڭعىش پرەزيدەنت – ەلباسى نۇرسۇلتان نازارباەۆتىڭ كٶرەگەن ساياساتىنىڭ ارقاسىندا ەكونوميكانىڭ دامۋى ٷشٸن بەرٸك نەگٸز قالاندى. ەلەمدٸك ارەنادا ابىروي-بەدەلگە يە بولدى.
«سوندىقتان ەلەمنٸڭ جاڭا بولمىس-بٸتٸمٸ قالىپتاسىپ جاتقان شاقتا بٸز رەفورمالارعا تىڭ سەرپٸن بەرۋٸمٸز كەرەك. بۇل باعىتتا ۇلت جوسپارىن جەنە 5 ينستيتۋتسيونالدىق رەفورمانى نەگٸزگٸ باعدار ەتٸپ الۋىمىز قاجەت. بٸز ازاماتتارىمىزدىڭ لايىقتى ٶمٸر سٷرۋٸنە جاعداي جاساۋعا, ولاردىڭ قۇقىقتارىن قورعاۋعا, زاڭ ٷستەمدٸگٸن قامتاماسىز ەتۋگە, جەمقورلىققا قارسى كٷرەستٸ كٷشەيتۋگە مٸندەتتٸمٸز», - دەدٸ قاسىم-جومارت توقاەۆ.
