فوتو: اقوردا
بۇل تۋرالى «قازمۇنايگاز» ۇك» اق باسقارما تٶراعاسى اسحات حاسەنوۆ مەملەكەت باسشىسىمەن بولعان قابىلداۋدا باياندادى. كەزدەسۋدە باسقارما تٶراعاسى قاسىم-جومارت توقاەۆقا ۇلتتىق كومپانييانىڭ بيىلعى 7 ايدا اتقارعان جۇمىسىنىڭ نەتيجەلەرٸ جٶنٸندە ەسەپ بەردٸ, دەپ حابارلايدى Ult.kz.
اسحات حاسەنوۆ «قازمۇنايگاز» گەولوگييالىق بارلاۋ جۇمىستارىن بەلسەندٸ جٷرگٸزٸپ كەلە جاتقانىن ايتتى. بيىل قولدانىستاعى كەن ورىندارىن قوسىمشا بارلاۋ ٷشٸن 7 ۇڭعىمانى بۇرعىلاۋ جوسپارلانىپ وتىر. ونىڭ 3-ۋٸ بۇرعىلانعان.
قىتايدىڭ CNOOC كومپانيياسى العاش رەت ەلٸمٸزدەگٸ گەولوگييالىق بارلاۋ ٸسٸنە قارجى قۇيۋعا شەشٸم قابىلدادى. سونداي-اق Sinopec كومپانيياسى قازاقستانعا قوماقتى ينۆەستيتسييا سالۋعا نيەتتٸ. Shell, Chevron, British Petroleum ترانسۇلتتىق كورپوراتسييالارى اتىراۋ, اقتٶبە جەنە ماڭعىستاۋ ٶڭٸرلەرٸندەگٸ ۋچاسكەلەردٸ جان-جاقتى زەرتتەۋدە.
سوڭعى 7 ايدا مۇناي مەن كوندەنسات ٶندٸرٸسٸنٸڭ كٶلەمٸ 15,3 ملن توننانى قۇراعان. بۇل 2024 جىلدىڭ وسى كەزەڭٸمەن سالىستىرعاندا 9 پايىزعا جوعارى. ال تابيعي جەنە ٸلەسپە گازدى ٶندٸرۋ كٶلەمٸ 6,7 ملرد تەكشە مەترگە جەتتٸ, ياعني بىلتىرعى جىلدىڭ كٶرسەتكٸشٸنەن 19 پايىزعا ارتىق.
مۇناي تاسىمالداۋ كٶلەمٸ 49 ملن توننانى قۇراعان.
قوسىمشا تاسىمالداۋ باعىتتارىن دامىتۋ جۇمىستارى قولعا الىندى: 7 ايدا ەزەربايجان باعىتىنا 0,9 ملن توننا, گەرمانيياعا 1,1 ملن توننا مۇناي تاسىمالداندى. ماجارستانعا 85 مىڭ توننا كٶلەمٸندە قازاقستان مۇنايىنىڭ العاشقى پارتيياسى جەتكٸزٸلدٸ.
بيىل وتاندىق مۇناي ٶڭدەۋ زاۋىتتارىندا 10,4 ملن توننا مۇناي ٶڭدەلدٸ. سونىڭ ٸشٸندە جانار-جاعارماي ٶندٸرٸسٸ 7,8 ملن تونناعا جەتٸپ, 936 مىڭ تونناعا ۇلعايدى. بۇل – رەكوردتىق كٶرسەتكٸش.
ماڭعىستاۋ وبلىسىنداعى كەندٸرلٸ زاۋىتىندا تۇشىتىلعان تەڭٸز سۋى جاڭاٶزەن قالاسىنىڭ سۋ تاراتۋ جەلٸسٸنە جٸبەرٸلە باستادى. بۇدان بٶلەك, قۋاتى 247 مۆت بولاتىن گيبريدتٸ ەلەكتر ستانساسىنىڭ قۇرىلىسى جٷرٸپ جاتىر. جىلىنا 1 ملن 250 مىڭ توننا ٶنٸم شىعاراتىن پوليەتيلەن زاۋىتى بوي كٶتەرۋدە. جوبا قۇنى – 7,4 ملرد دوللار.
قابىلداۋ بارىسىندا پرەزيدەنت گەولوگييالىق بارلاۋ جەنە ٸرٸ ينۆەستيتسييالىق باستامالاردى ٸسكە اسىرۋ بويىنشا جٷيەلٸ جۇمىستى جالعاستىرۋدى تاپسىردى.
