Foto: Aqorda
Bul týraly «QazMunaiGaz» UK» AQ basqarma tóraǵasy Ashat Hasenov Memleket basshysymen bolǵan qabyldaýda baiandady. Kezdesýde basqarma tóraǵasy Qasym-Jomart Toqaevqa ulttyq kompaniianyń biylǵy 7 aida atqarǵan jumysynyń nátijeleri jóninde esep berdi, dep habarlaidy Ult.kz.
Ashat Hasenov «QazMunaiGaz» geologiialyq barlaý jumystaryn belsendi júrgizip kele jatqanyn aitty. Biyl qoldanystaǵy ken oryndaryn qosymsha barlaý úshin 7 uńǵymany burǵylaý josparlanyp otyr. Onyń 3-ýi burǵylanǵan.
Qytaidyń CNOOC kompaniiasy alǵash ret elimizdegi geologiialyq barlaý isine qarjy quiýǵa sheshim qabyldady. Sondai-aq Sinopec kompaniiasy Qazaqstanǵa qomaqty investitsiia salýǵa nietti. Shell, Chevron, British Petroleum transulttyq korporatsiialary Atyraý, Aqtóbe jáne Mańǵystaý óńirlerindegi ýchaskelerdi jan-jaqty zertteýde.
Sońǵy 7 aida munai men kondensat óndirisiniń kólemi 15,3 mln tonnany quraǵan. Bul 2024 jyldyń osy kezeńimen salystyrǵanda 9 paiyzǵa joǵary. Al tabiǵi jáne ilespe gazdy óndirý kólemi 6,7 mlrd tekshe metrge jetti, iaǵni byltyrǵy jyldyń kórsetkishinen 19 paiyzǵa artyq.
Munai tasymaldaý kólemi 49 mln tonnany quraǵan.
Qosymsha tasymaldaý baǵyttaryn damytý jumystary qolǵa alyndy: 7 aida Ázerbaijan baǵytyna 0,9 mln tonna, Germaniiaǵa 1,1 mln tonna munai tasymaldandy. Majarstanǵa 85 myń tonna kóleminde Qazaqstan munaiynyń alǵashqy partiiasy jetkizildi.
Biyl otandyq munai óńdeý zaýyttarynda 10,4 mln tonna munai óńdeldi. Sonyń ishinde janar-jaǵarmai óndirisi 7,8 mln tonnaǵa jetip, 936 myń tonnaǵa ulǵaidy. Bul – rekordtyq kórsetkish.
Mańǵystaý oblysyndaǵy Kendirli zaýytynda tushytylǵan teńiz sýy Jańaózen qalasynyń sý taratý jelisine jiberile bastady. Budan bólek, qýaty 247 MVt bolatyn gibridti elektr stansasynyń qurylysy júrip jatyr. Jylyna 1 mln 250 myń tonna ónim shyǵaratyn polietilen zaýyty boi kóterýde. Joba quny – 7,4 mlrd dollar.
Qabyldaý barysynda Prezident geologiialyq barlaý jáne iri investitsiialyq bastamalardy iske asyrý boiynsha júieli jumysty jalǵastyrýdy tapsyrdy.
