فوتو: كٶرنەكٸ سۋرەت: instagram/ kris_p_talgar
جاڭا وقۋ جىلىندا مەكتەپتٸڭ سىرتىندا دەرەتحانالار بولماۋعا تيٸس. بۇل تۋرالى وقۋ-اعارتۋ مينيسترٸ عاني بەيسەمباەۆ ايتتى, - دەپ حابارلايدى «ۇلت اقپارات» Massaget.kz-كە سٸلتەمە جاساپ.
ٷكٸمەت وتىرىسىنان سوڭ باق ٶكٸلٸ مينيسترگە الماتى وبلىسى تالعار اۋدانى تٶڭكەرٸس اۋىلىندا تٷسٸرٸلگەن ۆيدەو تۋرالى ايتىپ بەردٸ. وندا مەكتەپ ديرەكتورى ٶزٸنٸڭ جەكە دەرەتحاناسىن اشىپ العان, ال 100-دەن اسا مۇعالٸم بٸر ەجەتحاناعا بارۋعا مەجبٷر.
عاني بەيسەمباەۆ بۇل جاعدايدى وبلىستىق بٸلٸم باسقارماسى قاتاڭ باقىلاۋعا العانىن جەتكٸزدٸ.
"بٸرٸنشٸ بۇل دەرەكتٸڭ قانشالىقتى راس ەكەنٸن انىقتايىق. ٶندٸرٸسكە, بٸلٸم ساپاسىنا, مەكتەپ جۇمىسىن ٷيلەستٸرۋگە كەلتٸرٸلگەن باسقا دا زالالدار بولسا, تيٸستٸ قاتاڭ شارا قولدانىلادى. تەكسەرۋ سوڭىن كٷتكەن دۇرىس دەپ ويلايمىن", - دەدٸ مينيستر.
ۆەدوم باسشىسىنىڭ ايتۋىنشا, جاڭا وقۋ جىلىندا مەكتەپتٸڭ سىرتىندا دەرەتحانالار بولماۋعا تيٸس. ەكٸمدٸكتەرگە تيٸستٸ تاپسىرما بەرٸلگەن.
"2021 جىلى وسى مەسەلەسٸ كٶتەرٸلگەندە مەكتەپ سىرتىنداعى دەرەتحانالار سانى 2 700 بولعان. بٷگٸندە ٸستەلگەن جۇمىس بارىسىندا 10 ەجەتجانانىڭ ەلٸ دە سىرتتى ورنالاسقانى انىقتالىپ وتىر. بۇدان بٶلەك, تاعى دا مەكتەپ ٸشٸندەگٸ جىلى ەجەتحانالار بولعانىنا قاراماستان سىرتتاعى ەجەتحانالاردى تولىق الىنباعانىن كٶرٸپ وتىرمىز. بۇل باعىتتا جەرگٸلٸكتٸ اتقارۋشى ورگاندارعا تيٸستٸ تاپسىرما بەرٸلدٸ.
مەكتەپ سىرتىنداعى ەجەتحانالاردى تٷگەل الىپ تاستاۋ ٷشٸن مەكتەپ ٸشٸندەگٸ ەجەتحانالار سانىن تيٸستٸ مەجەگە جەتكٸزۋ كەرەك. ەربٸر جاعداي بويىنشا جەكە-جەكە تاپسىرما بەرٸلدٸ. جازدىڭ 3 ايىندا بۇل مەسەلەنٸ تولىق شەشۋگە تىرىسامىز. دەي تۇرعانىمەن الىس جەرلەردە 10-20 بالا وقيتىن مەكتەپتەر بار. بيىل وندا ەجەتحانا ورناتۋ مەسەلەسٸن تولىق شەشۋ كەرەك. جالپى جاڭا وقۋ جىلىندا سىرتتا دەرەتحانالار بولماۋعا تيٸس", - دەدٸ عاني بەيسەمباەۆ.
