Foto: Kórneki sýret: instagram/ kris_p_talgar
Jańa oqý jylynda mekteptiń syrtynda dárethanalar bolmaýǵa tiis. Bul týraly Oqý-aǵartý ministri Ǵani Beisembaev aitty, - dep habarlaidy «Ult aqparat» Massaget.kz-ke silteme jasap.
Úkimet otyrysynan soń BAQ ókili ministrge Almaty oblysy Talǵar aýdany Tóńkeris aýylynda túsirilgen video týraly aityp berdi. Onda mektep direktory óziniń jeke dárethanasyn ashyp alǵan, al 100-den asa muǵalim bir ájethanaǵa barýǵa májbúr.
Ǵani Beisembaev bul jaǵdaidy oblystyq bilim basqarmasy qatań baqylaýǵa alǵanyn jetkizdi.
"Birinshi bul derektiń qanshalyqty ras ekenin anyqtaiyq. Óndiriske, bilim sapasyna, mektep jumysyn úilestirýge keltirilgen basqa da zalaldar bolsa, tiisti qatań shara qoldanylady. Tekserý sońyn kútken durys dep oilaimyn", - dedi ministr.
Vedom basshysynyń aitýynsha, jańa oqý jylynda mekteptiń syrtynda dárethanalar bolmaýǵa tiis. Ákimdikterge tiisti tapsyrma berilgen.
"2021 jyly osy máselesi kóterilgende mektep syrtyndaǵy dárethanalar sany 2 700 bolǵan. Búginde istelgen jumys barysynda 10 ájetjananyń áli de syrtty ornalasqany anyqtalyp otyr. Budan bólek, taǵy da mektep ishindegi jyly ájethanalar bolǵanyna qaramastan syrttaǵy ájethanalardy tolyq alynbaǵanyn kórip otyrmyz. Bul baǵytta jergilikti atqarýshy organdarǵa tiisti tapsyrma berildi.
Mektep syrtyndaǵy ájethanalardy túgel alyp tastaý úshin mektep ishindegi ájethanalar sanyn tiisti mejege jetkizý kerek. Árbir jaǵdai boiynsha jeke-jeke tapsyrma berildi. Jazdyń 3 aiynda bul máseleni tolyq sheshýge tyrysamyz. Dei turǵanymen alys jerlerde 10-20 bala oqityn mektepter bar. Biyl onda ájethana ornatý máselesin tolyq sheshý kerek. Jalpy jańa oqý jylynda syrtta dárethanalar bolmaýǵa tiis", - dedi Ǵani Beisembaev.
