بيىل 2,6 شاقىرىم جول كٶلٸك قوزعالىسى ٷشٸن اشىلادى. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگتە قر ييدم اۆتوموبيل جولدارى كوميتەتٸنٸڭ تٶراعاسى سايرانبەك بارماقوۆ ايتتى, دەپ حابارلايدى قازاقپارات.
«بيىل اۆتوموبيل جولدارىنىڭ 4 مىڭ شاقىرىمى قۇرىلىس جۇمىستارىمەن قامتىلادى. جىل سوڭىنا دەيٸن اۆتوموبيل جولدارىنىڭ 2,6 مىڭ شاقىرىمىندا, اتاپ ايتقاندا مىنا جولداردا قوزعالىستى اشۋ جوسپارلانىپ وتىر: «قاراعاندى-بالقاش-قاپشاعاي» – 645 شاقىرىم, «اقتٶبە-اتىراۋ-استراحان» – 279 شاقىرىم, «تالدىقورعان-ٶسكەمەن» - 763 شاقىرىم, «قالباتاۋ-مايقاپشاعاي» – 415 شاقىرىم, «مەركٸ-بۋرىلبايتال» – 266 شاقىرىم, «ٷشارال – دوستىق» – 60 شاقىرىم, «ۇزىناعاش-وتار» – 56 شاقىرىم, «كٶكشەتاۋ-پەتروپاۆل-قورعان» – 67 شاقىرىم, «قوستاناي-دەنيسوۆكا» – 60 شاقىرىم», - دەدٸ كوميتەت باسشىسى.
ونىڭ ايتۋىنشا, جوبالاردى ۋاقىتىلى ٸسكە اسىرۋ ٷشٸن دايىندىق جۇمىستارى تولىق كٶلەمدە جٷرگٸزٸلٸپ جاتىر. تەحنيكا مەن قۇرىلىس ماتەريالدارى دايىندالدى. اۆتوموبيل جولدارى سالاسىندا قولدانىلاتىن جول-قۇرىلىس ماتەريالدارىنىڭ بارلىعى وتاندىق ٶندٸرٸس ٶنٸمدەرٸ. ولار: ينەرتتٸ ماتەريالدار, بيتۋم, تسەمەنت, تەمٸر-بەتون بۇيىمدارى, حيمييالىق قوسپالاردىڭ ازعانتاي ٷلەسٸ مەن جاساندى قۇرىلىمداردىڭ جەكە ەلەمەنتتەرٸنەن باسقا مەتالل قۇرىلىمدار.
«ناۋرىز ايىنىڭ سوڭىندا وڭتٷستٸك ٶڭٸرلەردە قۇرىلىس-مونتاج جۇمىستارى باستالىپ كەتتٸ. اۋا رايىنىڭ قولايلى جاعدايى ورناعاندا جۇمىستار سولتٷستٸك ٶڭٸرلەرگە قاراي اۋىپ, سەۋٸر ايىنىڭ سوڭىنا دەيٸن جولشىلار بارلىق جوبالار اياسىنداعى قۇرىلىس جۇمىستارىنا كٸرٸسەتٸن بولادى. قۇرىلىس الاڭدارىنىڭ بارلىعىندا مامانداردى كوروناۆيرۋستان قورعاۋعا قاجەتتٸ شارالار قابىلداندى. بارلىق قىزمەتكەرلەر جەكە قورعانىس قۇرالدارىمەن قامتاماسىز ەتٸلدٸ», - دەدٸ سايرانبەك بارماقوۆ.
