بيتكوين باعاسى ساۋدا سەسسيياسى كەزٸندە 1,97%-عا, 58,1 مىڭ دوللارعا قىمباتتادى. بۇعان Coindesk پورتالىنىڭ مەلٸمەتتەرٸ دەلەل, دەپ حابارلايدى "ۇلت اقپارات".
وسىلايشا كريپتوۆاليۋتا باعاسى تاريحي ماكسيمۋمدى جاڭارتىپ وتىر.
ەلەمدەگٸ ەڭ كٶپ تارالعان كريپتوۆاليۋتا باعاسىنىڭ ٶسۋٸ Tesla كومپانيياسىنىڭ جالپى سوماسى $1,5 ميلليارد بولاتىن بيتكويندٸ ساتىپ الۋىنا بايلانىستى دەلٸنەدٸ. ونى كومپانييا ۇسىناتىن قىزمەتتەر ٷشٸن تٶلەم رەتٸندە پايدالانۋعا نيەتتٸ.
بيتكوين – كەز كەلگەن قولدانۋشى, جٷيە قاتىسۋشىسى «ٶندٸرە» (اينالىسقا شىعارا) الاتىن بلوكچەين تەحنولوگيياسى نەگٸزٸندەگٸ ٶزٸ اتتاس كريپتوۆاليۋتانىڭ ورتالىقسىزداندىرىلعان جٷيەسٸ.
جٷيە كونتسەپتسيياسىن 2008 جىلدىڭ قاراشاسىندا ونىڭ اۆتورى (مٷمكٸن اۆتورلار ۇجىمى) ساتوسي ناكاموتو جارييالادى. بيتكويننىڭ تانىمالدىلىعى كەيٸنگٸ جىلدارى ارتتى. بيتكويننىڭ ەميسسيياسى تابيعي جولمەن شەكتەلگەن, قازٸرگٸ كٷنٸ بيتكويننىڭ بٸر بٶلٸگٸ «ٶندٸرٸلگەن».
ايتا كەتسەك, 9 اقپاندا بيتكويننىڭ باعاسى $ 47 000 دوللاردان اسىپ, تاريحي ماكسيمۋمعا جەتكەن ەدٸ. ودان كەيٸن 50 مىڭ دوللاردان استى.
