Bitkoin baǵasy saýda sessiiasy kezinde 1,97%-ǵa, 58,1 myń dollarǵa qymbattady. Buǵan Coindesk portalynyń málimetteri dálel, dep habarlaidy "Ult aqparat".
Osylaisha kriptovaliýta baǵasy tarihi maksimýmdy jańartyp otyr.
Álemdegi eń kóp taralǵan kriptovaliýta baǵasynyń ósýi Tesla kompaniiasynyń jalpy somasy $1,5 milliard bolatyn Bitkoindi satyp alýyna bailanysty delinedi. Ony kompaniia usynatyn qyzmetter úshin tólem retinde paidalanýǵa nietti.
Bitkoin – kez kelgen qoldanýshy, júie qatysýshysy «óndire» (ainalysqa shyǵara) alatyn blokchein tehnologiiasy negizindegi ózi attas kriptovaliýtanyń ortalyqsyzdandyrylǵan júiesi.
Júie kontseptsiiasyn 2008 jyldyń qarashasynda onyń avtory (múmkin avtorlar ujymy) Satosi Nakamoto jariialady. Bitkoinnyń tanymaldylyǵy keiingi jyldary artty. Bitkoinnyń emissiiasy tabiǵi jolmen shektelgen, qazirgi kúni bitkoinnyń bir bóligi «óndirilgen».
Aita ketsek, 9 aqpanda bitkoinnyń baǵasy $ 47 000 dollardan asyp, tarihi maksimýmǵa jetken edi. Odan keiin 50 myń dollardan asty.
