"25 قازاندا بٸشكەك ۋاقىتى بويىنشا تٷس كەزٸندە قازاقستان مەن قىرعىزستان شەكاراسىنداعى "اق-تٸلەك" تەكسەرۋ جەنە ٶتكٸزۋ بەكەتٸندە 500-گە جۋىق جٷك كٶلٸگٸ جينالىپ تۇر", - دەپ حابارلادى قىرعىزستاننىڭ مەملەكەتتٸك شەكارا قىزمەتٸنە سٸلتەمە جاساعان ازاتتىقتىڭ قىرعىز رەداكتسيياسى.
شەكارا قىزمەتٸنٸڭ مەلٸمەتٸنشە, "اق-جول" بەكەتٸندە جەرگٸلٸكتٸ ۋاقىت بويىنشا ساعات 12-دە 47 جەڭٸل كٶلٸك پەن جٷك كٶلٸگٸ جينالىپ قالعان. ادامدار شەكارادان ەركٸن ٶتٸپ جاتىر. تالاس وبلىسىنداعى "چوڭ-كاپكا" بەكەتٸندە 70-تەي كٶلٸك كەزەكتە تۇر. قالعان باقىلاۋ جەنە ٶتكٸزۋ بەكەتتەرٸندە كەزەك بايقالمايدى. قىرعىزستان شەكارا قىزمەتٸ شەكاراداعى جاعداي تۋرالى مەلٸمەتتٸ ەر ٷش ساعات سايىن الاتىنىن ايتادى.
10 قازاننان باستاپ قازاقستان تارابى قىرعىز شەكاراسىنان ازاماتتار مەن كٶلٸكتەردٸ ٶتكٸزۋ تەرتٸبٸن كٷشەيتكەن. سونىڭ سالدارىنان قىرعىزستاننىڭ چۋ جەنە تالاس وبلىستارىنداعى باقىلاۋ-ٶتكٸزۋ بەكەتتەرٸندە ادامدار مەن اۆتوكٶلٸكتەر جينالىپ, ۇزاق ۋاقىت كەزەكتە تۇرۋعا مەجبٷر بولعان. ەسٸرەسە تەز بۇزىلاتىن تاعام ٶنٸمدەرٸن تاسيتىن ٷلكەن جٷك كٶلٸكتەرٸنٸڭ جٷرگٸزۋشٸلەرٸ قاتتى زييان شەككەن.
18 قازاندا استانادا ٶتكەن كەلٸسسٶزدەر بارىسىندا ەكٸ ەلدٸڭ ٷكٸمەت جەتەكشٸلەرٸ كەلەسٸ كٷننەن باستاپ جولاۋشى كٶلٸكتەرٸ مەن جٷگٸ بار ادامداردى شەكارادان ٶتكٸزۋدٸ جەڭٸلدەتۋ تۋرالى ۋاعدالاسقان. كەيٸنٸرەك قىرعىزستان پرەمەر-مينيسترٸنٸڭ بٸرٸنشٸ ورىنباسارى تولكۋنبەك ابدىگۋلوۆ دەلەگاتسييانىڭ بٸر بٶلٸگٸ كەلٸسسٶزدەردٸ جالعاستىرۋ ٷشٸن استانادا قالعانى تۋرالى حابارلاعان.
25 قازاندا ەرەۆاندا قازاقستان پرەمەر-مينيسترٸ باقىتجان ساعىنتاەۆ پەن قىرعىزستان پرەمەر-مينيسترٸ ساپار يساكوۆپەن كەزدەسكەن. كەيبٸر اقپاراتتارعا قاراعاندا, تاراپتار كەلٸسسٶزدە ىنتىماقتاستىق پەن جول كارتاسى جوباسىن تالقىلاعان.
