قر ٸٸم قىلمىستىق اتقارۋ جٷيەسٸ كوميتەتٸ بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتٸڭ بوستاندىققا شىعۋىن تٷسٸندٸردٸ, دەپ حابارلايدى "ۇلت اقپارات".
«2019 جىلدىڭ 25 قىركٷيەگٸندە شىمكەنت قالاسى اباي اۋداندىق سوتى ق. بيشٸمباەۆتى مەرزٸمٸنەن بۇرىن شارتتى تٷردە بوساتۋ تۋرالى ٶتٸنٸشحاتتى قارادى جەنە قاناعاتتاندىردى. سوت شەشٸمٸ 2019 جىلدىڭ 11 قازانىندا كٷشٸنە ەنگەن. بۇعان دەيٸن ق. بيشٸمباەۆ راقىمشىلىق جاساۋدى ٶتٸنٸپ, مەملەكەت باسشىسىنا جٷگٸنگەن ەدٸ. 2019 جىلدىڭ اقپانىندا بۇل ٶتٸنٸش جازا مەرزٸمٸن قىسقارتۋ تٷرٸندە ماقۇلدانعان», - دەپ حابارلادى قر ٸٸم قاج كوميتەتٸنٸڭ باسپاسٶز قىزمەتٸ.
مەرزٸمٸنەن بۇرىن شارتتى تٷردە بوساتۋ تۋرالى ٶتٸنٸشتٸ قاراۋ كەزٸندە سوتتالۋشىنىڭ اباقتىداعى مٸنەز-قۇلقى, كٸنەسٸن تولىق مويىنداۋى سىندى باس بوستاندىعىنان ايىرۋدى قاجەت ەتپەيتٸنٸن كٶرسەتەتٸن جاعدايلار ەسكەرٸلەدٸ.
«قۋاندىق بيشٸمباەۆ ٶز ايىبىن تولىق مويىنداعان جەنە ٶكٸنٸش بٸلدٸرگەن. سوت تاعايىنداعان ٶتەماقىنى تٶلەگەن. جازاسىن ٶتەۋ بارىسىندا ق. بيشٸمباەۆ ٶزٸن بايىپتى ۇستاعان جەنە مەدەني شارالارعا بەلسەنە قاتىسقان. جازانىڭ قالعان بٶلٸگٸن ەكس-مينيستر پروباتسييالىق باقىلاۋدا ٶتەيدٸ», - دەلٸنگەن حابارلامادا.
ايتا كەتەيٸك, بٷگٸن شىمكەنت قالاسىنىڭ تٷرمەسٸندە جازاسىن ٶتەپ جاتقان قۋاندىق بيشٸمباەۆ بوستاندىققا شىقتى. 2019 جىلى 13 اقپاندا سوتتالۋشى قۋاندىق بيشٸمباەۆ پرەزيدەنت جارلىعىمەن راقىمشىلىققا ٸلٸنٸپ, جازاسىن ٶتەۋ مەرزٸمٸ 10 جىلدان 4 جىلعا قىسقارعان. بٷگٸندە جازاسىنىڭ ٷشتەن ەكٸ بٶلٸگٸن ٶتەپ قويعان. 167/3 تٷزەۋ مەكەمەسٸنٸڭ باسشىلىعى وعان جاقسى مٸنەزدەمە بەرگەن.
ەسكە سالا كەتسەك, ٶتكەن جىلدىڭ ناۋرىز ايىندا بۇرىنعى ۇلتتىق ەكونوميكا مينيسترٸ مەن وسى ٸسكە قاتىستى ٶزگە دە ايىپتالۋشىلارعا ٷكٸم شىققان ەدٸ. سوت ٷكٸمٸمەن قۋاندىق بيشٸمباەۆتٸڭ مٷلكٸ تەركٸلەنٸپ, 10 جىلعا سوتتالدى. سونىمەن بٸرگە, ول ٶمٸر بويىنا مەملەكەتتٸك قىزمەتتە جۇمىس ٸستەۋ قۇقىعىنان ايىرىلدى. بيىلعى 4 قاڭتار كٷنٸ قۋاندىق بيشٸمباەۆ شىمكەنتتەگٸ قاۋٸپسٸزدٸگٸ ورتاشا تٷزەۋ مەكەمەسٸنە اۋىستىرىلعان بولاتىن .
