سۋرەت: Ulysmedia.kz
ادۆوكات, مەجٸلٸس دەپۋتاتى ابزال قۇسپان ەكس-مينيستر قۋاندىق بيشٸمباەۆتىڭ اشىق سوت وتىرىسىنىڭ ارقاسىندا قازاقستاننىڭ سوت جٷيەسٸ اۋقىمدى ٶزگەرٸستٸ باستان ٶتكەرٸپ جاتقانىن جازدى.
ونىڭ ايتۋىنشا, بٷكٸل ەل بولىپ ەكس-مينيستر بيشٸمباەۆتٸڭ ٸسٸن قاداعالاپ وتىرۋىنىڭ باستى سەبەبٸ — تۇرمىستىق زورلىق-زومبىلىقتىڭ قوعامدا ۋشىعىپ تۇرۋىندا.
وسىدان كەيٸن ادۆوكات سوت ٸسٸنٸڭ بٸرنەشە ارتىقشىلىعىن تٸزبەكتەدٸ:
- ەكٸنشٸ, سوت پروتسەسٸ اشىق ٶتٸپ جاتىر. كەز كەلگەن ادام YouTube جەلٸسٸنەن وتىرىستى تاماشالاي الادى. تٸپتٸ, بۇل ٸس ەل اۋقىمىنان شىعىپ, Washington Post, Al Jazeera سەكٸلدٸ الپاۋىت مەديالاردا ايتىلدى.
- بۇعان دەيٸن پارلامەنت مٸنبەرٸنەن بٸرنەشە رەت سۋديالارعا, سوت جٷيەسٸنە قاتىستى سىن ايتقان ەدٸم. قازٸر ەسكٸ قازاقستاننىڭ سارقىنشاقتارى جويىلىپ, پرەزيدەنت تاپسىرماسىنا سەيكەس اشىقتىق قالىپتاسىپ كەلە جاتقانىنا كۋە بولىپ وتىرمىز.
- بۇل ٸس – بٷكٸل حالىقتىڭ نازارىن اۋدارعان العاشقى سوت وتىرىسى. الماتىدا اۆتوبۋس جٷرگٸزۋشٸسٸن ۇرعان ادامعا قاتىستى سوت وتىرىسى دا تٸكەلەي ەفيردە كٶپشٸلٸككە كٶرسەتٸلدٸ. سونىمەن قاتار قاراعاندىدا جەدەل-جەردەم كٶلٸگٸ جٷرگٸزۋشٸسٸن ۇرعان ادامعا قاتىستى ٸس تە ونلاين كٶرسەتٸلدٸ.
- ەسكٸ قازاقستاندا سوت وتىرىستارى جابىق ٶتٸپ, كٸم نەنٸ قاراپ جاتقانى, ٸستٸ قالاي سارالاپ جاتقان بەلگٸسٸز بولاتىن. بۇعان دەيٸن قۋاندىق بيشٸمباەۆتىڭ سوتتالىپ, كەيٸن بوساپ شىعۋى دا وسى سەبەپتٸ ەدٸ. كٸم نازارباەۆقا جاقىن بولدى نە كەشٸرٸم سۇرادى, سول جازادان وڭاي قۇتىلاتىن. قازٸر بۇلاي جاساۋ مٷمكٸن ەمەس. سوت وتىرىسىن تٸكەلەي ەفيردەن كٶرسەتۋ ارقىلى, وعان القابيلەردٸ قاتىستىرۋ ارقىلى سوت جٷيەسٸنٸڭ اشىقتىعىن قامتاماسىز ەتٸپ وتىر.
دەي كەلە, ادۆوكات بۇل باعىتتا اتقاراتىن جۇمىس جەتەرلٸك ەكەنٸن ايتتى.
"سوت جٷيەسٸنە, القابيلەرگە قاتىستى زاڭ جوبالارىن ەلٸ دە جەتٸلدٸرۋ كەرەك. بٸراق ەڭ باستىسى, سەڭ قوزعالدى. ەندٸ ونى توقتاتۋ مٷمكٸن ەمەس!", - دەپ تٷيٸندەدٸ ادۆوكات.
