Sýret: Ulysmedia.kz
Advokat, Májilis depýtaty Abzal Quspan eks-ministr Qýandyq Bishimbaevtyń ashyq sot otyrysynyń arqasynda Qazaqstannyń sot júiesi aýqymdy ózgeristi bastan ótkerip jatqanyn jazdy.
Onyń aitýynsha, búkil el bolyp eks-ministr Bishimbaevtiń isin qadaǵalap otyrýynyń basty sebebi — turmystyq zorlyq-zombylyqtyń qoǵamda ýshyǵyp turýynda.
Osydan keiin advokat sot isiniń birneshe artyqshylyǵyn tizbektedi:
- Ekinshi, sot protsesi ashyq ótip jatyr. Kez kelgen adam YouTube jelisinen otyrysty tamashalai alady. Tipti, bul is el aýqymynan shyǵyp, Washington Post, Al Jazeera sekildi alpaýyt medialarda aityldy.
- Buǵan deiin Parlament minberinen birneshe ret sýdialarǵa, sot júiesine qatysty syn aitqan edim. Qazir eski Qazaqstannyń sarqynshaqtary joiylyp, Prezident tapsyrmasyna sáikes ashyqtyq qalyptasyp kele jatqanyna kýá bolyp otyrmyz.
- Bul is – búkil halyqtyń nazaryn aýdarǵan alǵashqy sot otyrysy. Almatyda avtobýs júrgizýshisin urǵan adamǵa qatysty sot otyrysy da tikelei efirde kópshilikke kórsetildi. Sonymen qatar Qaraǵandyda jedel-járdem kóligi júrgizýshisin urǵan adamǵa qatysty is te onlain kórsetildi.
- Eski Qazaqstanda sot otyrystary jabyq ótip, kim neni qarap jatqany, isti qalai saralap jatqan belgisiz bolatyn. Buǵan deiin Qýandyq Bishimbaevtyń sottalyp, keiin bosap shyǵýy da osy sebepti edi. Kim Nazarbaevqa jaqyn boldy ne keshirim surady, sol jazadan ońai qutylatyn. Qazir bulai jasaý múmkin emes. Sot otyrysyn tikelei efirden kórsetý arqyly, oǵan alqabilerdi qatystyrý arqyly sot júiesiniń ashyqtyǵyn qamtamasyz etip otyr.
Dei kele, advokat bul baǵytta atqaratyn jumys jeterlik ekenin aitty.
"Sot júiesine, alqabilerge qatysty zań jobalaryn áli de jetildirý kerek. Biraq eń bastysy, seń qozǵaldy. Endi ony toqtatý múmkin emes!", - dep túiindedi advokat.
