سۋرەت: pixabay.com
عىلىم جەنە جوعارى بٸلٸم مينيسترٸ ساياسات نۇربەك قازاقستاندا رەكتور لاۋازىمىنا ٷمٸتكەرلەر بۇدان بىلاي بۇل قىزمەتتٸ ەكٸ مەرزٸمنەن ارتىق – جالپى التى جىلدان ارتىق اتقارا المايتىنىن ايتتى, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
ورتالىق كوممۋنيكاتسييالار قىزمەتٸندە ٶتكەن بريفينگتە جۋرناليستەر مينيستردەن قازاقستانداعى ۋنيۆەرسيتەت رەكتورلارىنا قاتىستى مەسەلەنٸڭ قالاي شەشٸلەتٸنٸن سۇرادى. ٶيتكەنٸ ولاردىڭ كەيبٸرٸ بٸر ورىندا 10-15 جىلدان استام قىزمەت اتقارىپ جٷر.
"كوميسسييا وتىرىسى بولىپ, قازٸر تيٸستٸ ٶزگەرٸستەر ەنگٸزٸلدٸ. بيىل سەۋٸر ايىنان باستاپ رەكتورلىق قىزمەتكە ٷمٸتكەرلەر ەكٸ مەرزٸمنەن ارتىق قىزمەت ەتە المايدى. بٸز زاڭناماعا تيٸستٸ ٶزگەرٸستەر ەنگٸزدٸك. بٸرٸنشٸ مەرزٸم ٷش جىل, ەكٸنشٸ كەزەڭ – التى جىل. بٸر ۋنيۆەرسيتەتتە ەكٸ مەرزٸمنەن ارتىق قالۋعا بولمايدى", – دەدٸ ساياسات نۇربەك.
مينيستردٸڭ ايتۋىنشا, قازٸر رەكتورلىق قىزمەتكە ٷمٸتكەرلەرگە قويىلاتىن تالاپتار ايتارلىقتاي كٷشەيتٸلگەن.
"ەندٸ رەكتورلار ٷشٸن اكادەمييالىق سالاداعى جۇمىس ٶتٸلٸ 10 جىلدان كەم ەمەس, ونىڭ ٸشٸندە جوعارى وقۋ ورىندارىندا 5 جىل بولۋى مٸندەتتٸ. عىلىمي دەرەجە جەنە اعىلشىن تٸلٸن بٸلۋگە قويىلاتىن قاتاڭ تالاپتار قويىلدى. ٷمٸتكەردٸڭ بۇرىن ەلەۋمەتتٸك جەلٸلەر مەن باق-تا ادامگەرشٸلٸك پەن بەدەلگە قاتىستى جاعىمسىز جايتتارعا مٷلدەم قاتىسى بولماۋى قاجەت", – دەدٸ رەسمي ٶكٸل.
سونداي-اق جۋرناليستەر بۇل تالاپتار جوعارى وقۋ ورىندارىن 10 جىلدان استام باسقارىپ كەلە جاتقان ۋنيۆەرسيتەت رەكتورلارىنا قاتىستى بولا ما دەپ سۇرادى.
"جاڭا زاڭ بۇرىن قابىلدانعان شەشٸمدەرگە ەسەر ەتپەيدٸ. سوندىقتان بٸز وسى زاڭنامالىق ٶزگەرٸستەرگە دەيٸن تاعايىندالعان رەكتورلاردىڭ كەلٸسٸم-شارتتارى بٸتكەن كەزدە عانا ەرەكەت ەتەمٸز", - دەپ تٷسٸندٸردٸ ساياسات نۇربەك.
