Sýret: pixabay.com
Ǵylym jáne joǵary bilim ministri Saiasat Nurbek Qazaqstanda rektor laýazymyna úmitkerler budan bylai bul qyzmetti eki merzimnen artyq – jalpy alty jyldan artyq atqara almaitynyn aitty, dep habarlaidy "Ult aqparat" Stan.kz aqparat agenttigine silteme jasap.
Ortalyq kommýnikatsiialar qyzmetinde ótken brifingte jýrnalister ministrden Qazaqstandaǵy ýniversitet rektorlaryna qatysty máseleniń qalai sheshiletinin surady. Óitkeni olardyń keibiri bir orynda 10-15 jyldan astam qyzmet atqaryp júr.
"Komissiia otyrysy bolyp, qazir tiisti ózgerister engizildi. Biyl sáýir aiynan bastap rektorlyq qyzmetke úmitkerler eki merzimnen artyq qyzmet ete almaidy. Biz zańnamaǵa tiisti ózgerister engizdik. Birinshi merzim úsh jyl, ekinshi kezeń – alty jyl. Bir ýniversitette eki merzimnen artyq qalýǵa bolmaidy", – dedi Saiasat Nurbek.
Ministrdiń aitýynsha, qazir rektorlyq qyzmetke úmitkerlerge qoiylatyn talaptar aitarlyqtai kúsheitilgen.
"Endi rektorlar úshin akademiialyq saladaǵy jumys ótili 10 jyldan kem emes, onyń ishinde joǵary oqý oryndarynda 5 jyl bolýy mindetti. Ǵylymi dáreje jáne aǵylshyn tilin bilýge qoiylatyn qatań talaptar qoiyldy. Úmitkerdiń buryn áleýmettik jeliler men BAQ-ta adamgershilik pen bedelge qatysty jaǵymsyz jaittarǵa múldem qatysy bolmaýy qajet", – dedi resmi ókil.
Sondai-aq jýrnalister bul talaptar joǵary oqý oryndaryn 10 jyldan astam basqaryp kele jatqan ýniversitet rektorlaryna qatysty bola ma dep surady.
"Jańa zań buryn qabyldanǵan sheshimderge áser etpeidi. Sondyqtan biz osy zańnamalyq ózgeristerge deiin taǵaiyndalǵan rektorlardyń kelisim-sharttary bitken kezde ǵana áreket etemiz", - dep túsindirdi Saiasat Nurbek.
