نۇرسۇلتان نازارباەۆ اتىراۋ قالاسىنداعى ٸسساپارى بارىسىنداعى جينالىستا مەملەكەتتٸك قىزمەتشٸلەردٸ سىنعا الدى.
كتك ارناسى حابارلاعانداي, پرەزيدەنت قاتىسقان باسقوسۋ كەزٸندە جالپى ەلدەگٸ احۋال تالقىلانعان.
"جاقسى باعدارلامالار جازىلىپ جاتىر, بٸراق ناقتى جۇمىس ٸستەلمەيدٸ. ەكٸ ەكٸمدٸك پەن ەكٸ مينيسترلٸكتە پيلوتتىق جوبانى ەنگٸزٸپ: "بيۋدجەت بار ما, ورىندا. باسقارۋ ٷشٸن قانشا كەرەك بولسا, سونشا بٶل دە, قالعان قاراجاتتى شەنەۋنٸكتەردٸڭ جالاقىسىن كٶتەرۋگە جۇمسا, بٸراق ەڭبەك ەتەتٸن بولسىن", — دەدٸم. بٸر بٶلٸمدە 15 ادام وتىرادى – ٸس بٸتٸرەتٸن ٷشەۋٸ عانا. راس ەمەس پە? اقىلدى ادام جازا بٸلەدٸ. ەسەسٸنە قالامعا, قاعازعا, ورىندىققا اقشا ٷنەمدەۋگە بولادى, ونىڭ ٷستٸنە قازاق استىما كٶلٸك مٸنگٸز دەيدٸ", — دەدٸ نازارباەۆ.
ەستەرٸڭٸزگە سالا كەتسەك, 2018 جىلدىڭ قاڭتارىنان باستاپ ەدٸلەت مينيسترلٸگٸ, مەملەكەتتٸك قىزمەت ٸستەرٸ جٶنٸندەگٸ اگەنتتٸك, سونىمەن بٸرگە استانا مەن ماڭعىستاۋ وبلىسى ەكٸمدٸكتەرٸندە پيلوتتىق جوبا ەنگٸزٸلگەن. بۇل ورگانداردا ەڭبەكتٸ باعالاۋدىڭ جاڭا جٷيەسٸ سىناقتان ٶتكٸزٸلٸپ, نەتيجەسٸندە مەملەكەتتٸك قىزمەتشٸلەردٸڭ جالاقىسى ٶزگەردٸ.
بۇل ورگانداردا جالاقى ەكٸ بٶلٸكتەن تۇرادى – فاكتورلىق-بالدىق شكالا نەگٸزٸندە بەكٸتٸلەتٸن كەپٸلدەندٸرٸلگەن قىزمەتاقى مەن بونۋستار.
كەيٸنٸرەك جەمقورلىققا قارسى ۆەدومستۆو ەسەپ بەرگەندەي, پيلوتتىق جوبا نەتيجەسٸندە تٶرت مەملەكەتتٸك ورگاندا جۇمىستان شىعارۋ كٶلەمٸ ٷش ەسە ازايدى, ال جۇمىس ورنىنا قابىلدانۋعا ٷمٸتكەرلەر سانى ەكٸ ەسە كٶبەيگەن.
شەنەۋنٸكتەردٸڭ ەڭبەگٸن باعالاۋدىڭ جاڭا جٷيەسٸ بارلىق ورگانداردا ەنگٸزٸلەتٸن بولادى.
