Nursultan Nazarbaev Atyraý qalasyndaǵy issapary barysyndaǵy jinalysta memlekettik qyzmetshilerdi synǵa aldy.
KTK arnasy habarlaǵandai, prezident qatysqan basqosý kezinde jalpy eldegi ahýal talqylanǵan.
"Jaqsy baǵdarlamalar jazylyp jatyr, biraq naqty jumys istelmeidi. Eki ákimdik pen eki ministrlikte pilottyq jobany engizip: "Biýdjet bar ma, orynda. Basqarý úshin qansha kerek bolsa, sonsha ból de, qalǵan qarajatty sheneýnikterdiń jalaqysyn kóterýge jumsa, biraq eńbek etetin bolsyn", — dedim. Bir bólimde 15 adam otyrady – is bitiretin úsheýi ǵana. Ras emes pe? Aqyldy adam jaza biledi. Esesine qalamǵa, qaǵazǵa, oryndyqqa aqsha únemdeýge bolady, onyń ústine qazaq astyma kólik mingiz deidi", — dedi Nazarbaev.
Esterińizge sala ketsek, 2018 jyldyń qańtarynan bastap ádilet ministrligi, memlekettik qyzmet isteri jónindegi agenttik, sonymen birge Astana men Mańǵystaý oblysy ákimdikterinde pilottyq joba engizilgen. Bul organdarda eńbekti baǵalaýdyń jańa júiesi synaqtan ótkizilip, nátijesinde memlekettik qyzmetshilerdiń jalaqysy ózgerdi.
Bul organdarda jalaqy eki bólikten turady – faktorlyq-baldyq shkala negizinde bekitiletin kepildendirilgen qyzmetaqy men bonýstar.
Keiinirek jemqorlyqqa qarsy vedomstvo esep bergendei, pilottyq joba nátijesinde tórt memlekettik organda jumystan shyǵarý kólemi úsh ese azaidy, al jumys ornyna qabyldanýǵa úmitkerler sany eki ese kóbeigen.
Sheneýnikterdiń eńbegin baǵalaýdyń jańa júiesi barlyq organdarda engiziletin bolady.
