بٷگٸن ٷكٸمەتتٸڭ كەڭەيتٸلگەن وتىرىسىندا پرەزيدەنت قاسىم-جومارت توقاەۆ ساپاسىز بٸلٸم بەرەتٸن جوعارى وقۋ ورىندارىنا قاتىستى ەسكەرتۋ ايتتى, دەپ حابارلايدى "ۇلت اقپارات".
پرەزيدەنتتٸڭ ايتۋىنشا, ٷكٸمەتكە جوعارى وقۋ ورىندارى ٷشٸن بٶلٸنەتٸن مەملەكەتتٸك گرانتتاردى نارىقتىڭ ناقتى سۇرانىستارىمەن تىعىز بايلانىستىرۋ ماقساتى جٷكتەلٸپ تۇر. جىل سايىن بٶلٸنەتٸن گرانتتاردىڭ بٸر بٶلٸگٸ تيٸستٸ ماماندىقتاردىڭ سۇرانىسىمەن قامتاماسىز ەتٸلمەگەن. وسى ورايدا بيۋدجەت قارجىسى جەلگە ۇشادى.
«مەنٸڭ تاپسىرمام بويىنشا ٷكٸمەت ساپاسىز بٸلٸم بەرٸپ جاتقان جوعارى وقۋ ورىندارىن قىسقارتۋ جۇمىسىن جالعاستىرىپ جاتىر. الايدا كەيبٸر جوو-لار تٷرلٸ پروتسەسسۋالدىق ەرەكەتتەرمەن وقۋ ورنىن جابۋ پروتسەسٸن 1,5 جىلعا دەيٸن سوزىپ كەلەدٸ. بٸلٸم جەنە عىلىم مينيسترلٸگٸنە قارسى اقپاراتتىق ناۋقان جٷرٸپ جاتىر. ٷكٸمەتكە تيٸستٸ شارالاردى قابىلداۋدى تاپسىرامىن», - دەدٸ مەملەكەت باسشىسى.
سونىمەن بٸرگە پرەزيدەنت اكادەمييالىق ادالدىقتى بۇزعانى ٷشٸن جوو-لار جاۋاپكەرشٸلٸگٸن قوسىمشا كٷشەيتۋ كەرەكتٸگٸن اتاپ ٶتتٸ.
توقاەۆ ساپالى بٸلٸم بەرٸپ جاتقان جوعارى وقۋ ورىندارىن جان-جاقتى نىعايتۋ كەرەكتٸگٸن تاپسىردى. تۇراقتى دامۋدى قامتاماسىز ەتۋ ٷشٸن 15 بازالىق ٶڭٸرلٸك جوعارى وقۋ ورىندارىن جاڭعىرتۋ كەرەكتٸگٸ ايتىلدى. ولار تالانتتاردى تارتۋدىڭ ٶڭٸرلٸك ورتالىقتارى رەتٸندە قىزمەت ەتەدٸ. وسى ورايدا ٷكٸمەتكە ەكٸمدٸكتەرمەن بٸرلەسە 1 شٸلدەگە دەيٸن تيٸستٸ قادامدارمەن, كەزەڭدەرمەن ەرٸ قارجىلاندىرۋ كٶلەمٸمەن تىڭعىلىقتى جول كارتاسىن ەنگٸزۋ جٷكتەلدٸ.
