مەكتەپتە ساباقتى ٷش تٸلدە وقىتۋ ٷشٸن 6740 مۇعالٸم وقىتىلعان. بٸراق تەك 818 پەداگوگ ساباقتى تولىق اعىلشىن تٸلٸندە ٶتكٸزەدٸ. دەگەنمەن بارلىعى بٸردەي اي سايىن 35 394 تەڭگە قوسىمشا اقى الىپ وتىر.
بۇل تۋرالى بٷگٸنگٸ مەجٸلٸستٸڭ جالپى وتىرىسىندا دەپۋتات جەميلا نۇرمامبەتوۆا ايتىپ, بعم كٷلەش شەمشيدينوۆادان ساباقتى ەرتٷرلٸ ٶتكٸزگەن مۇعالٸمدەر نەلٸكتەن بٸردەي قوسىمشا اقى الاتىنىن سۇرادى.
«مەنٸڭ سۇراعىم ٷشتٸلدٸ بٸلٸم بەرۋ جٷيەسٸنە بايلانىستى. ٷكٸمەتتٸڭ 2018 جىلعى ەسەبٸنە سٷيەنسەك, رەسپۋبليكالىق بيۋدجەتتەن 1,6 ملرد تەڭگەدەن استام اقشا تٸل كۋرستارىنان ٶتكەن 6740 مۇعالٸمنٸڭ جالاقىسىنا قوسىمشا تٶلەم رەتٸندە بٶلٸنگەن. بٸراق كٶرسەتٸلگەن 6740 مۇعالٸمنٸڭ بارلىعى تٸل كۋرستارىنان ٶتتٸ, الايدا 818 مۇعالٸم, ياعني 12%-ى عانا تولىق فورماتتا – ساباقتى تولىق اعىلشىن تٸلٸندە ٶتكٸزەدٸ. ال قالعان 5922 پەداگوگ ٸشٸنارا قامتۋ ارقىلى ساباق ٶتكٸزەدٸ. دەگەنمەن وقۋشىلاردىڭ ەكٸ كاتەگوريياسى دا بٸردەي قوسىمشا تٶلەماقى – اي سايىن 35 394 تەڭگە الادى. سوندا تٸل كۋرستارىنان ٶتكەنمەن, ساباقتى تولىق اعىلشىن تٸلٸندە ٶتكٸزە المايدى. بۇل جەردە اعىلشىن تٸلٸن تٷرلٸ دەڭگەيدەگٸ ساباق ٶتكٸزە وتىرىپ, بٸردەي قوسىمشا اقى الادى», - دەدٸ جەميلا نۇرمامبەتوۆا.
بۇعان كٷلەش شەمشيدينوۆا قازٸر مەسەلەنٸ تالقىلاپ جاتقانىن ايتتى.
«پەندەردٸ شەتەل تٸلٸندە ٷيرەتۋگە بايلانىستى كٶپتەگەن سۇراق بولدى. اعىلشىن تٸلٸندە ساباق بەرۋدٸ ٷش جاعدايدا باستاۋ كەرەك بولاتىن... بارلىعىنا بٸردەي قوسىمشا اقى تٶلەۋ شەشٸمٸ و باستان قابىلدانىپ قويعان. قازٸر كٸمگە قوسىمشا اقى تٶلەنۋ كەرەك, كٸمگە تٶلەنبەۋ كەرەك ەكەنٸن ناقتىلاۋ ٷشٸن مەسەلەنٸ قاراستىرىپ, تالقىلاپ جاتىرمىز», - دەدٸ بٸلٸم جەنە عىلىم مينيسترٸ.
ال مەجٸلٸس تٶراعاسى نىعماتۋلين مينيسترگە «اقشانى مۇعالٸمنٸڭ بٸلٸمٸ ٷشٸن ەمەس, جاي قاعاز ٷشٸن تٶلەپ, وسىنداي بٸلٸم جٷيەسٸنە بالالار مەن اتا-انالار «باعا» بەرەدٸ» دەگەندٸ ايتتى.
«مۇندا تالقىلايتىن نە بار? سٸزدەر تالقىلاعانعا دەيٸن 1,6 ملرد تەڭگە تٶلەپ قويدى. كٷلەش نوعاتايقىزى, سٸز تٸلدٸ بٸلگەنٸ ٷشٸن ەمەس, سٸز ا4 فورماتىنداعى سەرتيفيكاتقا قوسىمشا اقى تٶلەپ جاتىرسىز دەگەن سٶز. اشىعىن ايتقاندا, بۇل سٸزگە ستراتەگييالىق جوسپارداعى ەسەپ كٶرسەتكٸشٸن جاقسارتۋعا مٷمكٸندٸك بەرەدٸ. سوندىقتان ەسەپ كوميتەتٸنٸڭ ەسەبٸندە بارلىعى جاقسى بولىپ كٶرٸنەدٸ. ال تەكسەرە باستاساق... سٸز رەتتەيمٸز دەگەنگە دەيٸن... رەتتەيتٸن تٷگٸ جوق. بۇيرىق شىعارىڭىز. بٸلٸمٸ سەيكەس كەلمەسە, تٶلەنبەۋ كەرەك. مۇعالٸمدەرگە ستيمۋل بولۋ كەرەك. وسىنداي كەسٸبي ەمەس بٸلٸم جٷيەسٸنٸڭ كەسٸرٸنەن بٸلٸم بەرۋ ساپاسى زارداپ شەگەدٸ. ەشكٸم ٷشتٸلدە بٸلٸم بەرۋ كەرەك ەمەس دەمەيدٸ. بٸراق مۇنى بۇل جۇمىستى ەسەپ ٷشٸن ەمەس, اقىلمەن, دۇرىس ٸستەۋ كەرەك. بۇل جاعداي وقۋشىلارعا نە ولاردىڭ اتا-انالارىنا تانىس. مٸنە سولار بٸزدٸڭ وسىنداي جۇمىسىمىزعا باعا بەرەدٸ», - دەدٸ نۇرلان نىعماتۋلين.
