وقۋشىلار مەن پەداگوگتەردٸڭ قاۋٸپسٸزدٸگٸ مەن دەنساۋلىعىن ساقتاۋدى قامتاماسىز ەتۋ مەسەلەلەرٸن بارىنشا تەزدەتٸپ شەشۋ قاجەت. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
«بٷگٸن ٶتە ماڭىزدى مەسەلەنٸ قاراستىرىپ وتىرمىز. ول قازٸر ەربٸر وتباسىنى, بارلىق وقۋشى مەن ستۋدەنتتٸ الاڭداتىپ وتىر. بيىلعى وقۋ جىلى دەنساۋلىق ساقتاۋ جٷيەسٸنٸڭ ەزٸرلٸگٸ اناعۇرلىم جاقسى ەرٸ حالىقتى جاپپاي ۆاكتسينالاۋ جاعدايىندا باستالعالى وتىر. ۆاكتسينا العان پەداگوگتەر جۇمىسقا كٸرٸسەدٸ», - دەدٸ ٷكٸمەت باسشىسى.
پرەمەر-مينيستر بٸلٸم بەرۋدٸ ۇيىمداستىرۋدىڭ نەعۇرلىم قاۋٸپسٸز جٷيەسٸ مەسەلەسٸ پىسىقتالىپ جاتقانىن دا باسا ايتتى.
«سوندىقتان بٸلٸم بەرۋدٸڭ دەستٷرلٸ فورماتىنا ورالۋ تۋرالى شەشٸم قابىلداندى. وسىعان وراي وقۋشىلار مەن پەداگوگتەردٸڭ قاۋٸپسٸزدٸگٸ مەن دەنساۋلىعىن ساقتاۋدى قامتاماسىز ەتۋ بويىنشا ۇيىمداستىرۋشىلىق مەسەلەلەردٸ بارىنشا تەزدەتٸپ شەشۋ قاجەت», - دەدٸ اسقار مامين.
ايتا كەتەيٸك, بٷگٸن ٷكٸمەت وتىرىسىندا سونداي-اق بٸلٸم مينيسترٸ اسحات ايماعامبەتوۆ مەكتەپتەردە وقۋ پروتسەسٸ «1 سىنىپ - 1 كابينەت» فورماتىندا ۇيىمداستىرىلاتىنىن ايتتى.
