Oqýshylar men pedagogterdiń qaýipsizdigi men densaýlyǵyn saqtaýdy qamtamasyz etý máselelerin barynsha tezdetip sheshý qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Búgin óte mańyzdy máseleni qarastyryp otyrmyz. Ol qazir árbir otbasyny, barlyq oqýshy men stýdentti alańdatyp otyr. Biylǵy oqý jyly densaýlyq saqtaý júiesiniń ázirligi anaǵurlym jaqsy ári halyqty jappai vaktsinalaý jaǵdaiynda bastalǵaly otyr. Vaktsina alǵan pedagogter jumysqa kirisedi», - dedi Úkimet basshysy.
Premer-Ministr bilim berýdi uiymdastyrýdyń neǵurlym qaýipsiz júiesi máselesi pysyqtalyp jatqanyn da basa aitty.
«Sondyqtan bilim berýdiń dástúrli formatyna oralý týraly sheshim qabyldandy. Osyǵan orai oqýshylar men pedagogterdiń qaýipsizdigi men densaýlyǵyn saqtaýdy qamtamasyz etý boiynsha uiymdastyrýshylyq máselelerdi barynsha tezdetip sheshý qajet», - dedi Asqar Mamin.
Aita keteiik, búgin Úkimet otyrysynda sondai-aq Bilim ministri Ashat Aimaǵambetov mektepterde oqý protsesi «1 synyp - 1 kabinet» formatynda uiymdastyrylatynyn aitty.
