عىلىم جەنە جوعارى بٸلٸم مينيسترلٸگٸ 2024-2025 وقۋ جىلىنا ارنالعان بٸلٸم بەرۋ گرانتتارىن بٶلۋگە قاتىستى ەگجەي-تەگجەيلٸ مەلٸمەت بەردٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, جالپى گرانت سانى 94 مىڭنان استام.
"ونىڭ ٸشٸندە 78 مىڭ گرانت – باكالاۆريات ستۋدەنتتەرٸنە, 13 مىڭ گرانت ماگيستراتۋراعا بەرٸلسە, 3 مىڭ گرانت بولاشاق دوكتورانتتارعا قاراستىرىلعان. 99 پايىز گرانت 4 جىلدا تۇڭعىش رەت يگەرٸلسە, سۋ تاسقىنىنان زارداپ شەككەن ٶڭٸر تالاپكەرلەرٸنە 15 382 گرانت بەرٸلگەن", - دەلٸنگەن حابارلامادا.
قازاقستاندا اشىلىپ جاتقان شەتەلدٸك جوعارى وقۋ ورىندارىنىڭ فيليالدارى ٷشٸن 1 890 گرانت بٶلٸنگەن. ودان بٶلەك, 5 000 نىسانالى گرانت 100 پايىز, اۋىل شارۋاشىلىعى مەن ۆەتەرينارييا باعىتىنداعى گرانتتار تولىق يگەرٸلگەن.
بيىل 104 121 تٷلەك گرانتقا ٶتٸنٸم بەرگەن. بۇل ٶتكەن جىلمەن سالىستىرعاندا, 10 000 ادامعا ارتىق كٶرسەتكٸش.
ايتا كەتەيٸك, TikTok جەلٸسٸندە گرانتتىڭ باسىم كٶپشٸلٸگٸ سۋ تاسقىنىنان زارداپ شەككەن ايماقتاردىڭ وقۋشىلارىنا بەرٸلٸپ كەتكەنٸنە نارازى تٷلەكتەردٸڭ ۆيدەوسى تارادى. ولاردىڭ ايتۋىنشا, تٶتەنشە جاعداي دەگەن جەڭٸلدٸگٸ بارلاردان جوعارى بالل السا دا, گرانتقا ٶتپەي قالۋ ەدٸلەتسٸز دەپ سانايدى.
"نەلٸكتەن سۋ تاسقىنى بولعان جەرلەرگە جەكە گرانتتار بٶلۋ مٷمكٸن بولمادى? وسى مىلقاۋ جٷيەنٸڭ ارقاسىندا بٸر جىل وقىپ ۇشىپ كەتتٸك. گرانتتاردى قايتا قاراستىرىڭىزدار! ەدٸلدٸك قايدا?", - دەيدٸ توميريس ەسٸمدٸ جەلٸ قولدانۋشىسى.
