Ǵylym jáne joǵary bilim ministrligi 2024-2025 oqý jylyna arnalǵan bilim berý granttaryn bólýge qatysty egjei-tegjeili málimet berdi, dep habarlaidy "Ult aqparat".
Vedomstvo málimetinshe, jalpy grant sany 94 myńnan astam.
"Onyń ishinde 78 myń grant – bakalavriat stýdentterine, 13 myń grant magistratýraǵa berilse, 3 myń grant bolashaq doktoranttarǵa qarastyrylǵan. 99 paiyz grant 4 jylda tuńǵysh ret igerilse, sý tasqynynan zardap shekken óńir talapkerlerine 15 382 grant berilgen", - delingen habarlamada.
Qazaqstanda ashylyp jatqan sheteldik joǵary oqý oryndarynyń filialdary úshin 1 890 grant bólingen. Odan bólek, 5 000 nysanaly grant 100 paiyz, aýyl sharýashylyǵy men veterinariia baǵytyndaǵy granttar tolyq igerilgen.
Biyl 104 121 túlek grantqa ótinim bergen. Bul ótken jylmen salystyrǵanda, 10 000 adamǵa artyq kórsetkish.
Aita keteiik, TikTok jelisinde granttyń basym kópshiligi sý tasqynynan zardap shekken aimaqtardyń oqýshylaryna berilip ketkenine narazy túlekterdiń videosy tarady. Olardyń aitýynsha, tótenshe jaǵdai degen jeńildigi barlardan joǵary ball alsa da, grantqa ótpei qalý ádiletsiz dep sanaidy.
"Nelikten sý tasqyny bolǵan jerlerge jeke granttar bólý múmkin bolmady? Osy mylqaý júieniń arqasynda bir jyl oqyp ushyp kettik. Granttardy qaita qarastyryńyzdar! Ádildik qaida?", - deidi Tomiris esimdi jeli qoldanýshysy.
