اباي كٷنٸن مەرەكەلەۋ اياسىندا بەيجٸڭنٸڭ ورتالىق «چاويان» ساياباعىنداعى «تسزينتاي» مۇراجايىندا اباي وقۋلارى ٶتكٸزٸلدٸ, دەپ حابارلايدى قازاقپارات.
ٸس-شارا ەيگٸلٸ قىتاي مٷسٸنشٸسٸ يۋان سيكۋن جاساعان, 2014 جىلدىڭ ناۋرىز ايىندا بەيجٸڭ ورتالىعىنداعى «چاويان» ساياباعىندا ورناتىلعان اباي ەسكەرتكٸشٸنە گٷل قويۋ رەسٸمٸنەن باستالدى.
اباي وقۋلارىن قحر سىرتقى ٸستەر مينيسترلٸگٸنٸڭ, مەدەنيەت جەنە تۋريزم مينيسترلٸگٸنٸڭ, قىتاي حالىق شەت ەلدەرمەن دوستىق قوعامىنىڭ, شىۇ حاتشىلىعىنىڭ, قىتايداعى تمد ەلدەرٸ ديپلوماتييالىق ٶكٸلدٸكتەرٸنٸڭ باسشىلارى, قازاقستان جەنە قىتاي ستۋدەنتتەرٸ تىڭدادى.
قر-نىڭ قحر-داعى ەلشٸسٸ عابيت قويشىباەۆ ٶز سٶزٸندە ابايدىڭ شىعارماشىلىعى, ونىڭ قازاق فيلوسوفيياسى مەن ەدەبيەتٸنٸڭ قالىپتاسۋىنداعى رٶلٸ تۋرالى قىسقاشا ايتىپ بەردٸ.
«وسىدان جەتٸ جىل بۇرىن بەيجٸڭنٸڭ قاق ورتاسىندا ۇلى اقىن ابايعا ەسكەرتكٸش ورناتىلعان ەدٸ. بۇل ايتۋلى وقيعا ەكٸ جاقتى مەدەني-گۋمانيتارلىق ىنتىماقتاستىقتا ماڭىزدى ٸز قالدىرىپ, قىتاي جۇرتشىلىعىن قازاق ەدەبيەتٸنٸڭ كلاسسيكاسىمەن تانىستىرۋعا جاسالعان تاعى بٸر قادام بولدى», - دەدٸ ول.
ديپلومات ابايدى قىتاي تٸلٸنە العاشقى بولىپ دارىندى اۋدارماشى حا حۋانچجان اۋدارعانىن ەسكە سالدى. اباي شىعارمالارىن قىتاي تٸلٸنە اۋدارۋعا اتاقتى جازۋشى جەنە ەدەبيەتتانۋشى اكبار مەجيت ٷلكەن ٷلەس قوستى. ٶز كەزەگٸندە قىتايلىق مٷسٸنشٸ يۋان سيكۋن سوڭعى جىلدارى بەيجٸڭدەگٸ اباي ەسكەرتكٸشٸندەگٸ اباي وقۋلارى جاقسى دەستٷرگە اينالعانىن اتاپ ٶتتٸ.
«جىل سايىن مۇندا ابايدىڭ كلاسسيكالىق ٶلەڭدەرٸن وقۋ ٷشٸن قازاقستان مەن قىتايدان جاستار جينالادى», - دەدٸ ول.
«قىتاي جازۋشىلارى» باسپا توبى باس باسقارماسىنىڭ باسشىسى اكبار مەجيت بۇرىن اباي قازاق دالاسىنىڭ ۇلى بولعانىن, ونىڭ شىعارمالارىن ەلەمنٸڭ 47 تٸلٸنە اۋدارعاننان كەيٸن اباي ەلەمگە تانىمال بولعانىن اتاپ ٶتتٸ. سونداي-اق, اكبار مەجيت قىتايدا ابايدىڭ ەڭبەكتەرٸ مەن قارا سٶزدەرٸ 1950 جىلداردان باستاپ قىتاي تٸلٸنە اۋدارىلىپ كەلە جاتقانىن تٸلگە تيەك ەتتٸ.
قازاق تٸلٸن ٷيرەنٸپ جٷرگەن قىتايلىق بٸلٸم الۋشىلار مەن قىتايدىڭ جوعارى وقۋ ورىندارىندا وقىپ جاتقان قازاقستاندىق جاستار اباي شىعارمالارىنان ٷزٸندٸلەر كٶرسەتٸپ, قازاقستاندىق ديپلوماتتاردىڭ بالالارى قازاقتىڭ تانىمال مۋزىكالىق كومپوزيتسييالارىن ورىندادى.
