اقتٶبەنٸڭ ەڭ ٷلكەن باسسەينٸندە بەس جىل بويى سۋ اۋىستىرىلماعان, - دەپ حابارلايدى Tengrinews.kz اگەنتتٸگٸ كتك تەلەارناسىنا سٸلتەمە جاساپ.
سپورت كەشەنٸ باسشىلىعىنىڭ ايتۋىنشا, باسسەيننٸڭ سۋىن اۋىستىرۋ تىم قىمبات. سول سەبەپتٸ جاي عانا حلورلاپ كەلگەن.
ايتا كەتەيٸك, اقتٶبە باسسەينٸن تەكسەرۋ تۋرالى مەسەلە قاراشانىڭ باسىندا كٶتەرٸلگەن بولاتىن. اتا-انالار باسسەينگە كەلگەن بالالاردا سۋدا حلوردىڭ تىم كٶپ بولۋىنا بايلانىستى اللەرگييالىق بٶرتپە, جٶتەل پايدا بولا باستادى دەپ شاعىمدانعان.
سونداي-اق, جازدا دەل وسى "دوستىق" سپورت كەشەنٸندە جارىس كەزٸندە 12 قاتىسۋشى اۋىرىپ, اۋرۋحاناعا جەتكٸزٸلگەن. ولاردا رەاكتيۆتٸ زاتپەن ۋلانعان دەگەن بولجام بولعان.
تەلەارنا مەلٸمەتٸنشە, ەندٸ باسشىلىق ٷنەمدەۋ ماقساتىندا بەس جىل بويى باسسەين سۋىن اۋىستىرماعانى بەلگٸلٸ بولعان.
"سۋ سوڭعى رەت 2017 جىلى اۋىستىرىلدى, سۋ اۋىستىرۋ - ٶتە قىمبات پروتسەسس. سٷزگٸلەر جاقسى جۇمىس ٸستەيدٸ. بٸراق بٸز قازٸر سٷزگٸلەردٸ دە تەكسەرٸپ جاتىرمىز. ال سۋ اۋىستىرۋ 7 ميلليون تەڭگە تۇرادى", - دەيدٸ اقتٶبە وبلىسى دەنە شىنىقتىرۋ جەنە سپورت باسقارماسىنىڭ باس مامانى ەدٸلبەك ديلجانوۆ.
