Aqtóbeniń eń úlken basseininde bes jyl boiy sý aýystyrylmaǵan, - dep habarlaidy Tengrinews.kz agenttigi KTK telearnasyna silteme jasap.
Sport kesheni basshylyǵynyń aitýynsha, basseinniń sýyn aýystyrý tym qymbat. Sol sebepti jai ǵana hlorlap kelgen.
Aita keteiik, Aqtóbe basseinin tekserý týraly másele qarashanyń basynda kóterilgen bolatyn. Ata-analar basseinge kelgen balalarda sýda hlordyń tym kóp bolýyna bailanysty allergiialyq bórtpe, jótel paida bola bastady dep shaǵymdanǵan.
Sondai-aq, jazda dál osy "Dostyq" sport kesheninde jarys kezinde 12 qatysýshy aýyryp, aýrýhanaǵa jetkizilgen. Olarda reaktivti zatpen ýlanǵan degen boljam bolǵan.
Telearna málimetinshe, endi basshylyq únemdeý maqsatynda bes jyl boiy bassein sýyn aýystyrmaǵany belgili bolǵan.
"Sý sońǵy ret 2017 jyly aýystyryldy, sý aýystyrý - óte qymbat protsess. Súzgiler jaqsy jumys isteidi. Biraq biz qazir súzgilerdi de tekserip jatyrmyz. Al sý aýystyrý 7 million teńge turady", - deidi Aqtóbe oblysy dene shynyqtyrý jáne sport basqarmasynyń bas mamany Ádilbek Diljanov.
