20 قاراشادا ٶتەتٸن كەزەكتەن تىس پرەزيدەنت سايلاۋىنا تاعى بٸر ەيەل كانديدات ۇسىنىلدى, - دەپ حابارلايدى "ۇلت اقپارات".
بٷگٸن استانادا "قازاق انالارى - دەستٷرگە جول" قوعامدىق بٸرلەستٸگٸنٸڭ جالپى جينالىسى ٶتٸپ, وندا پرەزيدەنتتٸككە كانديدات ۇسىنۋ مەسەلەسٸ قارالعان.
"جينالىسقا قاتىسۋشىلار بەلگٸلٸ قوعام قايراتكەرٸ, قۇقىق قورعاۋشى تۇرسىنبەكوۆا سالتانات پارحاتقىزىن الداعى قازاقستان پرەزيدەنتٸنٸڭ كەزەكتەن تىس سايلاۋىنا كانديدات رەتٸندە ۇسىندى.
بٸرلەستٸك باسشىسى اينۇر جٷگٸنٸسوۆا تۇرسىنبەكوۆا سالتانات پارحاتقىزى انا مەن بالانى قورعاۋعا, وتباسى ينستيتۋتىن نىعايتۋعا, ۇلتتىق-رۋحاني قۇندىلىقتاردى ناسيحاتتاۋعا بەلسەندٸ اتسالىسىپ جٷرگەنٸن ايتتى", - دەلٸنگەن حابارلامادا.
كانديداتۋرانى بٸرلەستٸكتٸڭ ەلورداداعى 20 ٶكٸلٸ مەن جيىنعا بەينەبايلانىس ارقىلى قاتىسقان 18 ٶڭٸردەگٸ مٷشەلەرٸ قولداعان.
سالتانات تۇرسىنبەكوۆا – بەلگٸلٸ قوعام قايراتكەرٸ, قر پرەزيدەنتٸ جانىنداعى ەيەلدەر ٸستەرٸ جەنە وتباسى-دەموگرافييالىق ساياسات ۇلتتىق كوميسسيياسى تٶراعاسىنىڭ ورىنباسارى. سوڭعى جىلدارى تۇرمىستىق زورلىق-زومبىلىققا قارسى جەنە ونىڭ الدىن الۋعا ارنالعان بٸرنەشە ەلەۋمەتتٸك جوبالارعا جەتەكشٸلٸك ەتكەن.
استانا قوعامدىق كەڭەسٸنٸڭ مٷشەسٸ. سونداي-اق, "وتباسىندا زورلىق-زومبىلىقسىز قازاقستان" جوباسىنىڭ جەتەكشٸسٸ بولعان.
ول 1966 جىلى جامبىل وبلىسىندا تۋعان, وتباسىلى, 2 بالا تەربيلەپ وتىر. مەملەكەتتٸك قىزمەتتەگٸ جۇمىس ٶتٸلٸ 30 جىلدان اسادى.
«قازاق انالارى-دەستٷرگە جول» قوعامدىق بٸرلەستٸگٸ سالتانات تۇرسىنبەكوۆانىڭ قۇجاتتارىن بٷگٸن ورتالىق سايلاۋ كوميسسيياسىنا تاپسىرماق.
ايتا كەتەيٸك, 7 قازاندا «كەسٸبي ەلەۋمەتتٸك جۇمىسكەرلەر ۇلتتىق اليانسى» رەسپۋبليكالىق قوعامدىق بٸرلەستٸگٸ كەزەكتەن تىس پرەزيدەنت سايلاۋىنا قاراقات جاقسىلىققىزى ەبدەننٸڭ كانديداتۋراسىن ۇسىنعان بولاتىن.
