قازاقستان رەسپۋبليكاسىنىڭ
باس پروكۋرورى
ج.اسانوۆ مىرزانىڭ نازارىنا!
قازاقتا «ايتايىن دەپ ايتقام جوق, ايتاشىمنان وبال-دى» دەپ كەلەتٸن كٶنە ٶلەڭ بار. سول ايتپاقشى, مەنٸڭ دە ايتپاسىما بولمايتىن مەسەلە تۋىنداپ تۇر. تۋىنداپ ەمەس, بۇل مەسەلە سوڭعى كەزدە بالالاپ, كٶبەيٸپ, دەرتتەپ, بالاقتان باسقا شىعىپ كەتكەلٸ قاشان?! سونداعى ايتپاعىمىز تٶمەندەگٸشە:
بىلتىر عانا ٶزٸنٸڭ تاباندىلىعىمەن, قابٸلەتٸمەن, سوڭعى كەزدە جۇرت شۋلاي جٶنەلٸپ, شۇبىرتپالاتاتىن «شىمكەنتتٸك ۆاريانت» جاساماي, ٶز كٷشٸمەن, ماڭداي تەرٸمەن سارىاعاش اۋداندىق بٸلٸم بٶلٸمٸنە ەدٸل كونكۋرس ارقىلى باسشىلىققا تاعايىندالعان مۇرات ماحانوۆ جازىقسىزدان جازىقسىز ٸستٸ بولىپ جاتقانىنان قالىڭ جۇرت حاباردار. مەن مۇرات مىرزانىڭ اۋدان حالقىنا, اۋداندىق بٸلٸم سالاسىنا سٸڭٸرگەن ەڭبەكتەرٸن تٸزبەلەپ جاتپايمىن. سەبەبٸ, ول تۋرالى تولىق مەلٸمەتتەر سٸزدەرگە جەتٸپ تە ٷلگەرگەن بولۋى كەرەك. ەگەر اسا مەرتەبەلٸ نازارلارىڭىزدى سالساڭىزدار. مەنٸڭ ايتپاعىم باسقا...
مەن سوناۋ التى اتادان جالعىز كٸندٸك بوپ كەلە جاتقان, ٶزٸنٸڭ دە جالعىز تال ون-اق جاسار بٷلدٸرشٸن ۇلى بار (ونى دا جالعىز ٶزٸ تەربيەلەپ وتىرعان), وسى قازٸر پەلەن ايدان بەرٸ تەرگەۋ يزولياتورىندا جازىقسىزدان جازىقسىز تەمٸر تورعا تەلمٸرٸپ وتىرعان مۇراتتىڭ جەكە باسىنا توقتالماقپىن.
مەن سول مۇراتپەن شىمكەنت پەداگوگيكالىق ينستيتۋتىنىڭ فيليولوگييا فاكۋلتەتٸندە تٶرت جىل بٸرگە وقىپ, بٸر جاتاقحانادا جاتقان, جارتى قۇرتتى بٶلٸپ جەگەن اداممىن. ونىڭ مٸنەز-قۇلقىن, ازاماتتىعىن, جان بالاسىنا جانىن قييا سالۋعا دايىن تۇراتىن جاناشىرلىعىن جاقسى بٸلەمٸن. جالعىز انانىڭ قولىندا جالبىراپ جالعىز ٶسكەن ۇل ەكەنٸن, قينالىپ جٷرٸپ جەتٸلگەنٸن, وقۋعا دا جوعارىدا ايتىلعان «شىمكەنتتٸك ۆاريانتپەن» ەمەس, قۇرىلىستا جۇمىس ٸستەپ, ودان ەسكەر قاتارىنا بارىپ كەپ, ەس جيىپ تٷسكەنٸن دە بەسكە تانيمىن.
بٸزدٸڭ دامىعان, تولىققاندى قوعام بولامىز, پەلەن ەلدٸڭ قاتارىنان كٶرٸنەمٸز دەپ كەۋدە قاعىپ, شٸرەنگەندە ٷزەڭگٸمٸزدٸ ٷزٸپ جٸبەرە جازدايتىنىمىز ٶتٸرٸك ەمەس. ال ەندٸ مىنانداي سوراقىلىقتان سوڭ, كٶرەر كٶزگە ەدٸل جولمەن جٷرٸپ, كٸسٸ اقىسىن جەۋگە ارلانعان, ادالدىققا عانا ادىمداعان ازاماتتى قورلاپ, جاپتىم جالا, جاقتىم كٷيە دەپ جٷرٸپ قايدا بارامىز?! قاي جەرلەرگە جەتە الامىز?!
مەن 111 جاس عۇمىر كەشكەن, ەكٸ سوعىسقا كۋە بولعان قارييانىڭ بالاسىمىن. ٸلگەرٸدە قارتتار بار بولاتىن. قازٸر شە?! سول ماحانوۆتىڭ جاڭاشىلدىعى مەن جاناشىرلىعىنا, سوڭعى كەزدە بەدەلٸ ەبدەن تٷسٸپ بارا جاتقان مۇعالٸم, ۇستاز اتاۋلىنىڭ بەدەلٸن قايتا كٶتەرٸپ, ەڭسەسٸن تٸكتەۋگە اتسالىسقان تٸرلٸگٸنە سارىاعاش اۋدانىنداعى بٸرەر «توپتاردىڭ» قارسى ەرەكەت ەتكەنٸنەن بٷكٸل اۋدان حاباردار. ولار قارتتار ەمەس. ولار «دەجۋرنىي شالدار» عانا. ييا, ولار شالدار عانا. الاش بالاسىنا اتالى سٶز ايتىپ, اۋزىنا قاراتىپ, قارا قىلدى قاق جاراتىن جاسقا جەتكەندە نەپسٸسٸ تازا ادامنىڭ ارتىنا شالا بايلاپ, جالا جاباتىن جاسقا كەلگەن كٸسٸ قارييا ياكي قارت بولا الۋشى ما ەدٸ?! جوق!
ٶز باسىم سۋدى دا, وتتى دا, وقتى دا, سوتتى دا كٶپ كٶرگەن اداممىن. سوندىقتان, ەشتەڭەدەن ھەم ەشكٸمنەن (ەگەر ول ادامزات بالاسى بولسا) قورىقپايتىنىم ٶزٸمە ايان. كٸم نە دەسە و دەسٸن, دەگەنمەن مەنٸڭ ٶزٸمنٸڭ ازاماتتىق ۇستانىمىم, اقىندىق كٶزقاراسىم مەن داۋسىم بار. ەندەشە, مەن مۇرات ماحاناوۆتىڭ جازىقسىزدان جازىقسىز ٸستٸ بولىپ, جابىلىپ جاتقانىن ٶتە ٷلكەن ساياسي جەنە قوعامدىق, ەلەۋمەتتٸك قاتەلٸك دەپ ەسەپتەيمٸن. كەزٸندە تالىستاي عىپ سۇلاتىپ, اتىپ تاستاعان ارىسىمىز احمەت بايتۇرسىنۇلى «ماعان قاتتى باتاتىنى بەرٸنەن, ٶز اۋىلىمنىڭ يتتەرٸ ٷرٸپ, قاپقانى» دەمەپ پە ەدٸ?! وندا نەگە ارى تازا, جانى جۇمساق, پەيٸلٸ پەرٸشتە ازاماتتىڭ ارتىنان بٸرەر شەۋٸلدەكتەردٸ شەۋ-شەۋ ٷرگٸزٸپ, جالعان جالا جاپتىرىپ, قاراپ وتىرۋىمىز كەرەك?!
قاسيەتتٸ قۇراندا «ەسٸلٸندە بٸرەۋدٸڭ ارتىنان جالعان سٶز ايتىپ, ناھاق جالا جاپقان پەندەنٸڭ كٷنەسٸ دۋا جاساعان پەندەنٸڭ كٷنەسٸمەن بٸردەي» دەگەن سٶز بار. ال, دۋا جاساۋ دەگەنٸڭٸز ەڭ اۋىر, كەشٸرٸلمەس كٷنە. ونى ويلايتىن پەندە, ساناسى قۇلدىقتان ازات قارييا ەز-ەزٸرگە تابىلماي تۇرعانى ٶتە ٶكٸنٸشتٸ. بۇدان دا كٶپ جازۋعا, قۇلاش-قۇلاش, بەت-بەت ەتٸپ شيمايلاۋعا مٷمكٸندٸگٸم بارشىلىق. بٸراق, مىنانداي ەدٸلەتسٸزدٸككە, ميسىزدىققا, ارسىز ەرەكەتكە ىزاسى كەپ وتىرعان ادامنىڭ جٷرەگٸ شىدامايدى ەكەن.
اسا قادٸرلٸ جاقىپ دەپ اسا ۇلى پايعامبارىمىزدىڭ (ع.س) ەسٸمٸن بەرگەن ەل اعاسى, قالىڭ قازاقتىڭ قازىلىق تارازىسى!
سٸزدٸ جۇرتشىلىق تەك قانا ەدٸلدٸككە جٷرەتٸن, ادالدىقتى تۋ ەتكەن ازامات دەپ باعا بەرەتٸنٸن تالاي ەستٸدٸك. كٶرٸپ تە جٷرمٸز. سوندىقتان, وسى مەسەلەگە سوڭعى ەرٸ ەدٸل نٷكتەنٸ ٶزٸڭٸز قويىپ, ٸستٸڭ اق شەشٸلۋٸنە, ارلى ازاماتتىڭ نەپسٸگە قۇل بولىپ جٷرگەن بٸرەر مٷددەلٸ «توپتىڭ» قۇربانى بولىپ كەتپەي, قوعامداعى ٶزٸنٸڭ ەدٸل ەرٸ تازا ورنىنا قايتا ورنىعۋىنا ىقپال جاسايتىنىڭىزعا سەنٸم ارتامىن. تەمات-تەمەم!!!
ٶزٸڭٸزگە دەگەن ٷلكەن قۇرمەتپەن جەنە ٷكٸلٸ ٷمٸتپەن,
اقىن, قازاقستان جازۋشىلار وداعىنىڭ مٷشەسٸ,
قازاقستان جازۋشىلار وداعى وڭتٷستٸك قازاقستان
وبلىستىق فيليالىنىڭ ديرەكتورى,
كٶپتەگەن حالىقارالىق, رەسپۋبليكالىق سىيلىقتاردىڭ,
رەسەي فەدەراتسيياسى قارۋلى كٷشتەرٸنٸڭ ەڭ جوعارعى
«سلاۆا روسسيي» وردەنٸنٸڭ ەڭ سوڭعى التىنشى تولىق
كاۆالەرٸ, باسقا دا كٶپتەگەن وردەن-مەدالداردىڭ يەگەرٸ
باقىتجان الدييار
