قازاقستاننىڭ اۆياتسييالىق ەكٸمشٸلٸگٸ «بەك ەير» اۆياكومپانيياسىنىڭ پايدالانۋشى جەنە ەۋە كەمەلەرٸنٸڭ ۇشۋعا جارامدىلىعى تۋرالى سەرتيفيكاتىن قايتارىپ العان بولاتىن. وسىعان بايلانىستى قر يندۋسترييا جەنە ينفراقۇرىلىمدىق دامۋ مينيسترلٸگٸ اتالعان ەۋە كومپانييانىڭ بۇرىن ساتىپ الىنعان ەۋە بيلەتتەرٸنٸڭ اقشاسىن جولاۋشىلارعا قايتارۋعا قاتىستى بٸرقاتار سۇراق تۋىنداعانىن ايتتى, دەپ حابارلايدى "ۇلت اقپارات".
ەڭبەك زاڭناماسىنا سەيكەس «بەك ەير» اق قىزمەتكەرلەرٸن ەڭبەك جاعدايلارىنىڭ ٶزگەرگەنٸ تۋرالى جازباشا حاباردار ەتۋگە, ولاردىڭ ەڭبەك قىزمەتٸن راستايتىن قۇجاتتاردى بەرۋگە, سونداي-اق قىزمەتكەرلەرٸنە ٶتەماقى تٶلەمدەرٸن جٷزەگە اسىرۋعا تيٸس.
«ينۆەستيتسييالار جەنە دامۋ مينيسترٸنٸڭ 2015 جىلعى 30 سەۋٸردەگٸ № 540 بۇيرىعىمەن بەكٸتٸلگەن جولاۋشىلاردى, باگاجدى جەنە جٷكتەردٸ ەۋە كٶلٸگٸمەن تاسىمالداۋ قاعيدالارىنا سەيكەس ەۋە كومپانيياسى بۇرىن ساتىپ الىنعان بيلەتتەر ٷشٸن جولاۋشىلارعا اقشانى قايتارۋعا مٸندەتتٸ. قازاقستاننىڭ اۆياتسييالىق ەكٸمشٸلٸگٸ جەنە ازاماتتىق اۆياتسييا كوميتەتٸ «بەك ەير» اق-نىڭ جۇمىستان شىعارىلعان قىزمەتكەرلەرٸنە بالاما جۇمىس تابۋعا كٶمەكتەسەدٸ. الداعى كٷندەرٸ ارنايى سايت اشىلادى. وندا ەۋە كومپانييانىڭ قىزمەتكەرلەرٸ جۇمىس ٸزدەۋ ٷشٸن تٸركەلە الادى», - دەپ حابارلادى مينيسترلٸكتەن.
ەسكە سالا كەتەيٸك, 2019 جىلدىڭ 27 جەلتوقسانىندا الماتى-نۇر-سۇلتان باعىتىنداعى ۇشاق اپاتقا ۇشىرادى. بورتىندا 93 جولاۋشى جەنە 5 ەكيپاج مٷشەسٸ بولدى. ەۋە كەمەسٸنٸڭ كومانديرٸ 57 جاستاعى مارات مۇراتباەۆ وقيعا ورنىندا اجال قۇشتى.
ۇشاق جەرگە قۇلاعان سوڭ سىرعاناپ بارىپ ەۋەجاي اۋماعىنا جاقىن ورنالاسقان ەكٸ قاباتتى ٷيگە سوعىلدى. سالدارىنان 12 ادام قازا تاپتى. وسىدان كەيٸن Bek Air ەۋە كومپانيياسىنا تيەسٸلٸ توعىز Fokker-100 ۇشاعىنىڭ قىزمەتٸ توقتاتىلدى.
ارادا بٸر اي ٶتكەننەن كەيٸن اپاتقا ۇشىراعان Bek Air ۇشاعىنىڭ ەكٸنشٸ ۇشقىشى قازا بولدى.
