اقش پرەزيدەنتٸ دجو بايدەن اۋعانستاننان امەريكا ەسكەرٸن ەكەتەتٸنٸن حابارلادى. سەرسەنبٸ كٷنگٸ مەلٸمدەمەسٸندە ول: "بٸز اۋعانستانعا 20 جىل بۇرىن جەكسۇرىن شابۋىلدان كەيٸن ەسكەر كٸرگٸزدٸك. الايدا بۇل جايت تا ول جاقتا ەسكەر قالدىرۋ سەبەبٸن تٷسٸندٸرە المايدى. مەن اۋعانستانداعى امەريكا ەسكەرٸنە جەتەكشٸلٸك ەتەتٸن امەريكانىڭ تٶرتٸنشٸ پرەزيدەنتٸمٸن جەنە ول جاۋاپكەرشٸلٸكتٸ بەسٸنشٸ پرەزيدەنتكە تاستاپ كەتكٸم كەلمەيدٸ. امەريكا تاريحىنداعى ەڭ ۇزاق سوعىستاردىڭ بٸرٸنە نٷكتە قوياتىن مەزگٸل جەتتٸ. امەريكالىق ساربازداردىڭ ٷيگە قايتاتىن كەزٸ بولدى" دەدٸ بايدەن. ونىڭ سٶزٸن CNN تەلەارناسى تاراتتى.
امەريكالىق ەسكەري قىزمەتكەرلەردٸڭ سوڭى اۋعانستاننان 11 قىركٷيەككە تامان كەتەدٸ. Reuters-تٸڭ جازۋىنشا, اقش ەسكەر ەكەتۋ بويىنشا سىنعا دا دايىن. كەيبٸر ساراپشىلار مۇنى امەريكانىڭ اۋعان مەملەكەتتٸگٸن قالپىنا كەلتٸرۋ جولىنداعى جەڭٸلٸسٸ رەتٸندە باعالاۋى مٷمكٸن. وعان امەريكاعا وداقتاس اۋعان قاۋٸپسٸزدٸك كٷشتەرٸنٸڭ تيٸمسٸز ەرەكەتٸ, اۋعانستانداعى جاپپاي جەمقورلىق, "تاليبان" تەرروريستٸك ۇيىمىنىڭ سالىستىرمالى تٷردە مىقتاپ ورنىعۋى سەبەپ بولۋى مٷمكٸن.
2011 جىلى اقش-تىڭ اۋعانستانداعى ەسكەرٸ 100 مىڭنان اسقان, ال قازٸر شامامەن 2,5 مىڭدى قۇرايدى. ناتو ەلدەرٸنٸڭ ەسكەري كونتينگەنتٸ ون مىڭعا جۋىقتايدى.
اۋعانستانداعى قاقتىعىس كەزٸندە 2,5 مىڭعا جۋىق امەريكالىق سارباز قازا بولعان, ال اقش سوعىسقا شامامەن 2 تريلليون دوللار جۇمساعان. بٸر جاعىنان, اۋعانستانعا ەسكەر كٸرگٸزۋدٸڭ نەگٸزگٸ ماقساتى ورىندالعان: اقش تەلٸپتەردٸ بيلٸكتەن ىعىستىرىپ, ولارعا وداقتاس "ەل-قايدا" تەرروريستٸك ۇيىمىنىڭ جەتەكشٸسٸ ۋساما بەن لادەن پەكٸستاندا ٶلتٸرٸلدٸ. دەگەنمەن ەكٸنشٸ جاعىنان الىپ قاراعاندا ەر اۋماقتا شاشىراي ورنالاسسا دا تەلٸپتەردٸڭ ەلدەگٸ ىقپالى جويىلمادى. "ەل-قايدا" مەن تاليبان اراسىندا بايلانىس تا ٷزٸلمەگەن.
دونالد ترامپ ەكٸمشٸلٸگٸ امەريكا ەسكەرٸن اۋعانستاننان 2021 جىلدىڭ 1 مامىرىنا دەيٸن ەكەتەتٸنٸن حابارلاعان. ال دجو بايدەن كومانداسى بۇل مەرزٸمدٸ سەل شەگەرٸپ, امەريكا ەسكەرٸن بٸردەن ەكەتۋ قاۋٸپسٸز ەمەس ەكەنٸن ەسكەرتكەن.
اۋعانستاننىڭ بولاشاعى بۇلىڭعىر كٷيدە قالدى. اقش ورتالىق بارلاۋ باسقارماسىنىڭ جەتەكشٸسٸ ۋيليام بەرنس سەناتورلارعا ەسكەر ەكەتكەننەن كەيٸن امەريكا بارلاۋ قىزمەتٸنٸڭ مٷمكٸندٸگٸ ازايۋى مٷمكٸن, بٸراق "بەلگٸلٸ بٸر جيىنتىعى" ساقتالىپ قالادى دەپ مەلٸمدەدٸ. كەيبٸر ساراپشىلار اقش ەسكەرٸنٸڭ كەتۋٸ اۋعان قوعامىنداعى ەڭ ەلجۋاز توپ – بالالار, قىزدار مەن ەيەلدەردٸڭ جاعدايىنا قالاي ەسەر ەتەدٸ دەپ الاڭداپ وتىر. بۇل ەلەۋمەتتٸك توپتار راديكالدى يسلامشىل توپتاردىڭ قىسىمىنا جيٸ ۇشىرايدى.
