"قازاق ارۋى" قانداي بولۋى كەرەك?! بايان الاگٶزوۆا بۇرىمدىلار اراسىندا اۋقىمدى كاستينگ جارييالاعانىمەن, اقىلىنا كٶركٸ ساي سۇلۋدى تاپپاي ەبٸگەرگە تٷسۋدە. ٶيتكەنٸ ٸرٸكتەۋدە قويىلعان ساۋالدارعا ماردىمدى جاۋاپ جوق. بۇل تۋرالى نتك ارناسىنداعى "رەۆيۋ" باعدارلاماسىندا ايتىلدى.
سەگٸزٸنشٸ مەرتە ۇيىمداستىرىلىپ وتىرعان ارۋلار بايقاۋىنىڭ قاتىسۋشىلارعا قويار تالاپتارى قاز-قالپىندا قالعانىمەن, دودانىڭ شەكاراسى كەڭەيۋدە. يە, وسى جىلى سۇلۋلار سايىسى حالىقارالىق دەڭگەيدە ٶتەدٸ. ياعني, باياننىڭ جوباسىنا موڭعولييا, رەسەي, تٷركييا, ٶزبەكستان جەنە قىرعىزستاندا تۇراتىن قازاق تٸلدٸ قىزدار دا قاتىسا الادى.
"بۇل يدەيا قاتەلەسپەسەم وسىدان 5 جىل بۇرىن تۋىنداعان بولاتىن. سول كەزدە, دەل وسى سايىستى حالىقارالىق دەڭگەيدە ٶتكٸزۋ كەرەكتٸگٸن ۇقتىم. بٸز قازاقستانداعى كاستينگ اياقتالعاننان كەيٸن, ٶزگە ەلدەگٸ ٸرٸكتەۋدٸ باستايمىز. جاقىن كٷندەرٸ ساپارعا شىعامىز", — دەيدٸ پروديۋسەر بايان الاگٶزوۆا.
ٸرٸكتەۋگە كەلگەن ٷمٸتكەرلەرگە قازاقستان تاريحىنان ساۋالدار قويىلىپ, ۇلتتىق سالت-دەستٷرگە جەنە تانىمال تۇلعالاردىڭ شىعارماشىلىعىنا شولۋ جاسالادى.
"جەتٸ قازىنانى" اتاي المايدى ەشقايسىسى. قارا سٶزدٸڭ اۆتورى كٸم دەپ سۇراعاندا, ويلانىپ قالعان كەزدە, "ينفاركت" بولىپ قالا جازدايسىڭ. سوسىن كٶبٸسٸ ٶتٸرٸك ايتادى. مەنٸڭ ەڭ جەك كٶرەتٸن نەرسەم. ول كٶرەرمەنگە دە بٸردەن بەلگٸلٸ بولىپ تۇرادى", — دەيدٸ جۋرناليست پەريزات مىرزاحمەت.
وسى ورايدا بٸز دە قاتىسۋشىلار اراسىندا ارنايى ساۋالناما جٷرگٸزٸپ كٶردٸك. بۇرىمدىلار 1995 جىلدىڭ 30-شى تامىزىندا قابىلدانعان اتا زاڭىمىزدان دا بەيحابار بولىپ شىقتى.
جىل سايىن 6 شٸلدەدە استانا كٷنٸ تويلاناتىنىن بٸلەدٸ مە ەكەن?
كٶپ قاتىسۋشى بۇل كاستينگتٸڭ بٸرٸنشٸ كەزەڭٸندە-اق تىعىرىققا تٸرەلگەن. بٷگٸندە بايان باستاعان كوماندا ەلٸ دە لايىقتى ٷمٸتكەرلەردٸ ٸزدەستٸرۋدە.
