فوتو: رف پرەزيدەنتٸنٸڭ باسپاسٶز قىزمەتٸ
16 جەلتوقساندا سيرييانىڭ تاقتان تايدىرىلعان پرەزيدەنتٸنٸڭ ەلەۋمەتتٸك جەلٸلەردە جارييالاعان مەلٸمدەمەسٸندە بۇل ونىڭ ٶز ۇستانىمىن قوعامعا جەتكٸزۋدٸڭ «اراب جەنە حالىقارالىق باق-تا مەلٸمدەمە جارييالاۋعا بٸرنەشە سەتسٸز ەرەكەتتەن كەيٸنگٸ جالعىز قولايلى جولى» ەكەنٸ ايتىلدى.
باشار اسادتىڭ اتىنان جارييالانعان حابارلامادا ونىڭ مەسكەۋگە كەتۋٸ الدىن الا جوسپارلانباعانى جەنە سوڭعى شايقاستاردىڭ بارىسىندا بولعانى تۋرالى باق-تاعى اقپاراتتىڭ شىندىققا سەيكەس كەلمەيتٸنٸ ايتىلدى.
«مەن 8 جەلتوقساننىڭ ەرتەڭگٸسٸنە دەيٸن داماسكٸدە ٶز مٸندەتتەرٸمدٸ اتقارىپ جٷردٸم. تەرروريستٸك كٷشتەر داماسكٸگە ەنگەن كەزدە, بٸزدٸڭ رەسەيلٸك وداقتاستارمەن ٷيلەستٸرە وتىرىپ, لاتاكيياعا كٶشٸپ, ەسكەري وپەراتسييالاردى باقىلاۋدى جالعاستىردىم», — دەلٸنگەن باشار اسادتىڭ مەلٸمدەمەسٸندە.
اساد «وقيعالار بارىسىندا ەشقاشان وتستاۆكاعا كەتۋ نەمەسە باسپانا ٸزدەۋ مٷمكٸندٸگٸن قاراستىرماعانىن» جەنە ەرقاشان ساربازدارمەن بٸرگە العى شەپتە بولعانىن باسا ايتتى.
ول سيرييامەن جەنە ونىڭ حالقىمەن بايلانىسى تۇراقتى ەكەنٸن, جاعدايعا قاراماستان, ەلدٸڭ تەۋەلسٸزدٸگٸن قالپىنا كەلتٸرۋگە سەنەتٸنٸن جەتكٸزدٸ.
ەسكە سالساق, 8 جەلتوقسان كٷنٸ سيرييادا 2011 جىلدان بەرٸ جالعاسىپ كەلە جاتقان ازاماتتىق سوعىستا شەشۋشٸ بەتبۇرىس بولدى. سوڭعى 24 جىل بويى سيرييانى بيلەپ كەلگەن باشار اساد رەجيمٸ قۇلادى. كٶتەرٸلٸسشٸلەر داماسكٸگە باقىلاۋ ورناتىپ, اساد رەسەيگە قاشتى.
.jpg)