Foto: RF prezidentiniń baspasóz qyzmeti
16 jeltoqsanda Siriianyń taqtan taidyrylǵan prezidentiniń áleýmettik jelilerde jariialaǵan málimdemesinde bul onyń óz ustanymyn qoǵamǵa jetkizýdiń «arab jáne halyqaralyq BAQ-ta málimdeme jariialaýǵa birneshe sátsiz áreketten keiingi jalǵyz qolaily joly» ekeni aityldy.
Bashar Asadtyń atynan jariialanǵan habarlamada onyń Máskeýge ketýi aldyn ala josparlanbaǵany jáne sońǵy shaiqastardyń barysynda bolǵany týraly BAQ-taǵy aqparattyń shyndyqqa sáikes kelmeitini aityldy.
«Men 8 jeltoqsannyń erteńgisine deiin Damaskide óz mindetterimdi atqaryp júrdim. Terroristik kúshter Damaskige engen kezde, bizdiń reseilik odaqtastarmen úilestire otyryp, Latakiiaǵa kóship, áskeri operatsiialardy baqylaýdy jalǵastyrdym», — delingen Bashar Asadtyń málimdemesinde.
Asad «oqiǵalar barysynda eshqashan otstavkaǵa ketý nemese baspana izdeý múmkindigin qarastyrmaǵanyn» jáne árqashan sarbazdarmen birge alǵy shepte bolǵanyn basa aitty.
Ol Siriiamen jáne onyń halqymen bailanysy turaqty ekenin, jaǵdaiǵa qaramastan, eldiń táýelsizdigin qalpyna keltirýge senetinin jetkizdi.
Eske salsaq, 8 jeltoqsan kúni Siriiada 2011 jyldan beri jalǵasyp kele jatqan azamattyq soǵysta sheshýshi betburys boldy. Sońǵy 24 jyl boiy Siriiany bilep kelgen Bashar Asad rejimi qulady. Kóterilisshiler Damaskige baqylaý ornatyp, Asad Reseige qashty.
.jpg)