باس پروكۋراتۋرا ەكٸمدٸكتەردٸڭ جايىلىم القاپتارىن بٶلۋ, اۋىل ماڭىنداعى جايىلىمداردى ۇزاق مەرزٸمگە جالعا بەرۋ كەزٸندە زاڭدى قانشالىقتى ساقتاعانىن تەكسەرٸپ جاتىر, دەپ حابارلايدى قازاقپارات.
پرەمەر-مينيستردٸڭ ورىنباسارى رومان سكليار مەجٸلٸس ٶكٸلدەرٸنٸڭ دەپۋتاتتىق ساۋالىنا بەرگەن جاۋابىندا وسىنداي اقپار بەردٸ.
«مەملەكەت باسشىسىنىڭ تاپسىرماسىن ورىنداۋ ماقساتىندا باس پروكۋراتۋرا ەكٸمدٸكتەردٸڭ قىزمەتٸندە جايىلىمدىق القاپتاردى بٶلۋ, ونىڭ ٸشٸندە اۋىل ماڭدارىنداعى جايىلىم القاپتاردى ۇزاق مەرزٸمگە جالعا بەرۋ كەزٸندەگٸ زاڭدىلىقتىڭ ساقتالۋىنا تەكسەرۋلەر جٷرگٸزۋدە. بۇل جۇمىس جىل اياعىنا دەيٸن جٷرگٸزٸلەتٸن بولادى جەنە نەتيجەسٸ بويىنشا زاڭسىز بەرٸلگەن جەر ۋچاسكٸلەرٸن قايتارۋ بويىنشا تيٸستٸ شەشٸمدەر قابىلدانادى. 2019 جىلدىڭ باسىنان بەرٸ 5,36 ملن گەكتار القاپتا پايدالانىلماعان جايىلىمدار انىقتالدى. ونىڭ ٸشٸندە 2,31 ملن گەكتار قايتا اينالىمعا تارتىلدى. 1,11 ملن گەكتار مەملەكەتتٸك مەنشٸككە قايتارىلدى. ال 1,94 ملن گەكتار جايىلىمدىق جەردٸ مەملەكەت مەنشٸگٸنە قايتارۋ بويىنشا سوت پروتسەستەرٸ جٷرٸپ جاتىر», - دەدٸ ۆيتسە-پرەمەر.
ول, سونداي-اق, جايىلىمداردى باسقارۋ جوسپارىنىڭ اشىقتىعىن قامتاماسىز ەتۋ ٷشٸن جوبالاردى ينتەرنەت رەسۋرسىنا ورنالاستىرۋ قولعا الىنعانىن ەسكە سالدى.
«جوسپارلاردى ەزٸرلەۋ كەزٸندەگٸ كەمشٸلٸكتەردٸ جويۋ ٷشٸن اۋىل شارۋاشىلىعى مينيسترلٸگٸ پارلامەنت مەجٸلٸسٸنٸڭ اگرارلىق كوميتەتٸمەن بٸرلەسٸپ, جوسپاردىڭ پيلوتتىق جوباسىن ەزٸرلەپ, ٷلگٸ رەتٸندە بارلىق وبلىستار ەكٸمدٸكتەرٸنە جٸبەردٸ. وسىعان بايلانىستى, قابىلدانعان 144 جوسپار وسى ٷلگٸلٸك جوباعا سەيكەس قايتا پىسىقتالىنىپ قابىلداندى», - دەيدٸ رومان سكليار.
