قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ەل ازاماتتارىن بٸر-بٸرٸنە جاناشىرلىقپەن قاراۋعا شاقىردى, دەپ حابارلايدى "ۇلت اقپارات".
«قازاقى دٷنيەتانىمىمىزدا دا, سان عاسىردان بەرٸ ۇستانىپ كەلە جاتقان اسىل دٸنٸمٸز يسلامدا دا «جاقىن» دەگەن ۇعىم تەك قانا ٷيدەگٸ اتا-انا, اعا-باۋىر, ەيەل, بالا-شاعاعا قاتىستى قولدانىلمايدى. اللانىڭ اق جولىن, پايعامبارىمىزدىڭ (وعان اللانىڭ سالاۋاتى مەن سەلەمٸ بولسىن) سٷننەتٸن ۇستانىپ كەلە جاتقان حالقىمىز ٷشٸن كٶرشٸ دە, الىس-جاقىن اعايىن-تۋىس, دوس-جاران جاقىنى سانالادى.بٷگٸن مەملەكەت باسشىسى قاسىم-جومارت توقاەۆ قازاق ەلٸنە ٷندەۋ جاسادى. سىن ساعاتىندا سىنباي, بٸر-بٸرٸمٸزگە قارايلاسىپ, قول ۇشىن سوزىپ, شاما كەلگەنشە ماتەريالدىق جەنە مورالدىق قولداۋ بٸلدٸرٸپ, ەڭ باستىسى, وسى ٸندەت ٶرشٸپ تۇرعان شاقتا ساقتىق شارالارىنا باسا كٶڭٸل بٶلۋگە تاعى دا ٷندەدٸ. قارا جامىلىپ وتىرعان وتباسىلارعا كٶڭٸل ايتىپ, اۋىرىپ جاتقاندارعا ساۋىعىپ كەتۋٸن تٸلەدٸ. بۇعان قوسا, پرەزيدەنت 13 شٸلدە – ۇلتتىق ازا تۇتۋ كٷنٸ بولىپ بەلگٸلەنگەنٸن مەلٸمدەدٸ», - دەدٸ باس مٷفتي.
قمدب تٶراعاسىنىڭ اتاپ ٶتۋٸنشە, مۇسىلماندار تۇتاس بٸر اعزا سەكٸلدٸ. قول سىنسا, كٶز قۋانعان ەمەس, بەلكٸم, ول ٷشٸن جاسىن تٶگەدٸ, ال كٶزدەن جاس اقسا, ونى قول سٷرتەدٸ.
«وسى ورايدا مەن دە ەل پرەزيدەنتٸنٸڭ ٷندەۋٸنە تولىقتاي قوسىلا وتىرىپ, ەل ازاماتتارىنان بٸر-بٸرٸنە جاناشىرلىقپەن قاراپ, شاما كەلگەنشە قولداۋ كٶرسەتۋگە, جەردەمدەسۋگە شاقىرامىن. ٶمٸرٸن بەيگەگە تٸگٸپ, ۇلت ساۋلىعى ٷشٸن ايانباي ەڭبەك ەتٸپ جاتقان اق حالاتتى ابزال جاندارعا العىسىمدى بٸلدٸرەمٸن. سونداي-اق دەرٸ-دەرمەكتٸ, ەڭ قاجەتتٸ تۇرمىستىق زاتتار مەن ازىق-تٷلٸكتٸ وسىنداي قيىن-قىستاۋ مەزگٸلدە قىمباتتاتپاۋعا شاقىرامىن. ال بارشا قازاقستاندىقتاردى 13 شٸلدە كٷنٸ بارشا ەلەمنٸڭ راببىسى بٸر اللادان دۇعا تٸلەپ, كٶپ يستيعفار ايتىپ, پايعامبارىمىزعا (وعان اللانىڭ سالاۋاتى مەن سەلەمٸ بولسىن) كٶپتەپ سالاۋات ايتىپ, سول كٷنٸ بٸر مەزەتتە رەسپۋبليكا يمامدارىنىڭ, مەدرەسە ۇستازدارىنىڭ قۇران حاتىم دۇعاسىنا قوسىلۋعا شاقىرامىن. بارشاڭىزعا اللا تاعالانىڭ سەلەمٸ مەن راقىمى, بەرەكەتٸ بولسىن! اللا قالاسا بۇل كٷندەردٸ دە بٸرلٸگٸمٸزبەن ەڭسەرەمٸز!», - دەدٸ ناۋرىزباي قاجى تاعانۇلى.
