فوتو: muftyat.kz
قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ورازاعا وراي باق ٶكٸلدەرٸنٸڭ قاتىسۋىمەن ٶتكەن باسپاسٶز مەسليحاتىندا كەسٸپكەرلەرگە ٷندەۋ جاسادى, دەپ حابارلايدى "ۇلت اقپارات" muftyat.kz سايتىنا سٸلتەمە جاساپ.
«وسى رەتتە كەسٸپكەر ازاماتتاردى, ساۋدا ورتالىقتارىنىڭ باسشىلارىن قاسيەتتٸ ايدىڭ قۇرمەتٸ ٷشٸن حالقىمىزدىڭ تۇرمىس جاعدايىن ەسكەرٸپ, ەلەۋمەتتٸك ماڭىزى بار تاۋارلار مەن ازىق-تٷلٸك باعاسىن مٷمكٸندٸگٸنشە 10 پايىزعا دەيٸن تٶمەندەتٸپ, جەڭٸلدٸك جاساۋعا ٷندەيمٸن. جاقسى امالدارىڭىز ٶزدەرٸڭٸزگە ەسەلەپ جاقسىلىق بولىپ قايتاتىنىندا كٷمەن جوق. مۇندايدا حالقىمىز: «قايىرىمدىلىق جاساساڭ, قايىرىن ٶزٸڭ كٶرەسٸڭ» دەمەي مە?! پايعامبارىمىز مۇحاممەد (وعان اللانىڭ سالاۋاتى مەن سەلەمٸ بولسىن): «كٸمدە-كٸم باۋىرىنىڭ قاجەتٸن ٶتەسە, اللا ونىڭ قاجەتٸندە بولادى. كٸمدە-كٸم مۇسىلماننىڭ بٸر قايعىسىن سەيٸلتسە, اللا ونىڭ قايعى-قاسٸرەتتەرٸنٸڭ بٸرٸن سەيٸلتەدٸ», – دەگەن.
وسى سەتتٸ پايدالانىپ, بارشا قاۋىمعا قاسيەتتٸ رامازان ايىندا اراق-شاراپ ٸشٸلمەسە جەنە دٷكەندەردە ساتىلماسا, مٷمكٸندٸگٸنشە قۇدايى استار كەشكٸ اۋىزاشار ۋاقىتىندا ٶتكٸزٸلسە دەگەن تٸلەگٸمدٸ جەتكٸزەمٸن. اللا تاعالا رامازاننىڭ قۇرمەتٸ ٷشٸن جاساعان جاقسى ٸسٸمٸزدٸڭ سەبەبٸمەن بارشامىزدى جاقسىلىققا كەنەلتكەي» - دەدٸ ناۋرىزباي قاجى تاعانۇلى.
